రాముడొద్దు కృష్ణుడొద్దంటున్న దిల్‌ రాజు

టాలీవుడ్ ఇండ‌స్ట్రీలో సెంటిమెంట్ల‌కి ఇచ్చే విలువ ఎంత‌టితో తెలిసిందే. తీసేది సైన్ ఫిక్ష‌న్ సినిమా అయినా స‌రే స‌రైన స‌మ‌యానికి కొబ్బ‌రికాయ ప‌గ‌లాల్సిందే అంటుంటారు. అలా జ‌ర‌గ‌లేదంటే నిర్మాత మ‌రో కొత్త ముహూర్తాన్ని చూసుకొస్తాడు. హీరోలు సైతం ఆ సెంటిమెంట్ల‌ని బ‌లంగా ఫాలో అవుతుంటారు. కొద్దిమంది తమ సినిమాల పేర్ల‌లో రెండే అక్ష‌రాలు వుండాలంటుంటారు. మ‌రికొద్దిమంది మూడ‌క్ష‌రాల పేరు అనుకొనే త‌న ద‌గ్గ‌రికి రావాలంటుంటారు. నిజంగానే అలా సెంటిమెంట్ ప్రకారం వెళ్లితేనే కొద్దిమందికి స‌క్సెస్‌ లు వ‌స్తుంటాయి. అందుకే వాళ్లు ఆ న‌మ్మ‌కాల్ని మ‌రింత బ‌లంగా విశ్వ‌సిస్తుంటారు. అలా దిల్‌రాజు కూడా కొత్త‌గా మ‌రో సెంటిమెంట్‌ని ఫాలో అవుతున్నాడ‌ట‌.

తాను నిర్మించే సినిమాల పేర్ల‌లో ఇక రాముడు - కృష్ణుడు అన్న పేర్లను వాడకూడ‌దు అని నిర్ణ‌యించుకున్నాడ‌ట‌. అదేంటి? ఎందుక‌లా అంటారా? ఆయ‌నకి రాముడు - కృష్ణుడుల‌తో కూడిన పేర్లు పెద్ద గాయాల్నే చేశాయి మ‌రి! రామ్‌ తో రామ రామ కృష్ణ కృష్ణ అనే సినిమా చేశాడు దిల్‌ రాజు. కానీ ఆ చిత్రం ఫెయిల్యూర్ అయ్యింది. ఆ త‌ర్వాత ఎన్టీఆర్‌ తో రామ‌య్యావ‌స్తావ‌య్యా అనే సినిమా చేశాడు. అది కూడా దారుణంగా దెబ్బ‌కొట్టింది. మొన్న‌టికి మొన్న కృష్ణాష్ణ‌మి అని సునీల్‌ తో ఓ సినిమా చేశాడు. దానికైతే పెట్టిన డ‌బ్బు కూడా తిరిగి రాలేదు. అలా రాముడు - కృష్ణుడు పేర్ల‌తో తీసిన సినిమాల‌న్నీ బోల్తా కొట్ట‌డంతో ఇక వాళ్ల జోలికే వెళ్ల‌నంటున్నాడు దిల్‌ రాజు. ఒకవేళ క‌థ డిమాండ్ చేసినా మ‌రో పేరు ఆలోచిస్తాడేమో త‌ప్ప ఆ పేర్లు మాత్రం పెట్ట‌డేమో అన్న‌ట్టుగా మాట్లాడాడు దిల్‌ రాజు. ఎవ‌రి అనుభ‌వాలు వాళ్ల‌వి మ‌రీ!