దీపావళి.. సిక్సర్లు.. దిల్ రాజు..

సాధారణంగా శుక్రవారాలను నమ్ముకునే సినిమా వారు పండుగలు వస్తే రిలీజ్ డేట్స్ ను ఒక్కసారిగా మార్చేస్తారు. ముందుగానే సినిమా పనులన్నిటినీ పూర్తి చేసుకొని పండగ సీజన్స్ లో కరెక్ట్ టైమ్ కి రిలీజ్ చేస్తారు. కొంచెం పాజిటివ్ టాక్ వచ్చినా సినిమాలకు కాసుల వర్షం కురవడం ఖాయం. అంతే కాకుండా సినిమాకు నెగిటివ్ టాక్ వచ్చినా ఎంతో కొంత తప్పకుండా రాబడుతుందనే దైర్యం,

దీంతో చాలా వరకు సినిమాని తెరకెక్కించే వారు పండగలపైనే దృష్టి పెడతారు. అయితే గత కొంత కాలంగా దీపావళి పండగలో సినిమాలను రిలీజ్ చేస్తే అంతగా అడవు అనేది టాక్ ఉంది. కానీ ఇప్పుడు ఆ టాక్ ని బ్రేక్ చెయ్యాలని దిల్ రాజు కోరుకుంటున్నారు. ఆయన ప్రొడక్షన్ లో నిర్మించిన రాజా ది గ్రేట్ సినిమా ట్రైలర్ నిన్న రిలీజ్ అయ్యింది. ఈ సందర్బంగా దిల్ రాజు మాట్లాడుతూ.. ప్రతి దీపావళికి కోలీవుడ్ -బాలీవుడ్ నుంచి సినిమాలు బాగానే రిలీజ్ అవుతాయి. కానీ టాలీవుడ్ లో సినిమాలను రిలీజ్ చేయాలా వద్దా అనే కన్ఫ్యూజన్ లో ఉంటారని. అయితే రాజా ది గ్రేట్ సినిమా దీపావళికి రిలీజ్ అయ్యి హిట్ అవ్వాలని అలాగే ఆ తరహా ఆలోచనని బ్రేక్ చెయ్యాలని అయన భావించారు.

ఇకపోతే రవితేజతో 13 ఏళ్ళ తరువాత సినిమా చేయడం హ్యాపీగా ఉందంటూ వ్యాఖ్యానించిన దిల్ రాజు.. భలే ఈక్వేషన్ ఒకటి చెప్పారు. ''ఈ సంవత్సరంలో ఇప్పటికే నాలుగు బాల్స్ ను సిక్కర్లు కొట్టేశాం. శతమానం భవతి - నేను లోకల్ - డిజె - ఫిదా నాలుగు సిక్సులు అయితే.. రాజా ది గ్రేట్ తో ఐదవ సిక్స్ కూడా వేస్తున్నాం. తరువాత 6వ బంతిగా నాని ఎంసిఏ వస్తోంది. దానితో కూడా సిక్స్ కొట్టడానికే డిసెంబర్ లో ప్రయత్నిస్తాం'' అన్నారు రాజు.