దిల్ రాజు బిజినెస్ భలే ఉందే

టాలీవుడ్ లో మోస్ట్ సక్సెస్ ఫుల్ ప్రొడ్యూసర్స్ లో ఒకరు దిల్ రాజు. చిత్ర పరిశ్రమలో ప్రస్తుతం ఉన్న టాప్ దర్శకులు దిల్ రాజుతో ఒకప్పుడు సినిమాలు తీసినవారే. అలాగే ఎంతో మంది టాలెంటెడ్ దర్శకులను అయన ఇండస్ట్రీకి పరిచయం చేశారు. మొదట డిస్ట్రిబ్యూటర్ గా మంచి గుర్తింపు తెచ్చుకున్న దిల్ రాజు ఆ తర్వాత తానే నిర్మాతగా మారి పలు మంచి సినిమాలను తెరకెక్కించారు, ముఖ్యంగా ఫ్యామిలీ - లవ్ స్టోరిలతో అయన మంచి బాక్స్ ఆఫీస్ హిట్స్ ను కూడా అందుకున్నారు.

ప్రస్తుతం టాలీవుడ్లో టాప్ నిర్మాతల్లో ఒకరైనా సరే ఇంకా అయన పాత బిజినెస్ ని మర్చిపోవడం లేదు. ఓ వైపు సినిమాలను నిర్మిస్తూనే మరోవైపు డిస్ట్రిబ్యూటర్ గా కొనసాగుతూనే ఉన్నారు. అయితే ఇప్పుడు ఆయన వ్యవహరిస్తున్న తీరును చూస్తుంటే కొన్ని కామెంట్స్ వినబడుతున్నాయి. విషయం ఏమిటంటే.. దిల్ రాజు గత కొంత కాలంగా భారీగా హిట్స్ అందుకుంటున్నాడు అయితే అందులో ఎక్కువగా మెగా హీరోలతో తెరకెక్కించినవి కావడం విశేషం. ఈ నిర్మాత ఇప్పటివరకు మెగా యువ హీరోలందరితో సినిమాలను నిర్మించాడు. అయితే మహేష్ లాంటి టాప్ హీరోస్ తో మాత్రం సినిమా చేయకుండానే వారి సినిమాలతో బిజినెస్ చేస్తున్నాడు. పలు ఏరియా హక్కులను కొనుగోలు చేస్తూ.. చిత్ర విజయంలో భాగస్వామిగా నిలుస్తున్నారు. ఇప్పుడు మహేష్ మూడు సినిమాలకు సంబందించిన నైజాం ఏరియా హక్కులను దిల్ రాజు సొంతం చేసుకోబోతున్నాడు.

మరికొన్ని రోజుల్లో రిలీజ్ కాబోయే "స్పైడర్" తో పాటు కొరటాల శివ దర్శకత్వంలో "భరత్ అనే నేను" హక్కులను సొంతం చేసుకోబోతున్నాడు. అలాగే దిల్ రాజు త్వరలో అశ్విని దత్ తో కలిసి వక్కంతం వంశీ - మహేష్ సినిమాను నిర్మించబోతున్న సంగతి తెలిసిందే. ఇలా మహేష్ తో వరుసగా మూడు సినిమాల బిజినెస్ లో కీలకంగా వ్యవహరించనున్నాడు దిల్ రాజు. మొత్తంగా దిల్ రాజు మెగా హీరోలతో సినిమాలను నిర్మిస్తూ.. మహేష్ బాబు సినిమాలకు డిస్ర్ట్రిబ్యూషన్ వ్యవహారాన్ని నడిపిస్తూ భలే బిజినెస్ మ్యాన్ అనిపించుకుంటున్నాడు.