ఆ హీరోను దిల్ రాజు లాంచ్ చేస్తున్నాడట

కాస్త భారీగానే చెల్లించి.. ఒక లేటెస్టు తమిళ సినిమా రైట్స్ కొనేశారు అగ్ర నిర్మాత దిల్ రాజు. అయితే ఇప్పుడు ఆయన ఏమంటున్నారంటే.. ఈ సినిమాతో మేం ఒక తమిళ హీరోను తెలుగులో లాంచ్ చేస్తున్నాం అని సెలవిచ్చారు.

నిజానికి తమిళ సినిమా ''రెమో'' ట్రైలర్ చూడగానే చాలామంది ఎక్సయిట్ అయిన విషయం వాస్తవమే. అలాగే ఈ సినిమాలో హీరోయిన్ గా నటించిన కీర్తి సురేష్‌ ప్రస్తుతం దిల్ రాజు తీస్తున్న ''నేను లోకల్'' సినిమాలో నటిస్తోంది. ఈ అమ్మడే శివ కార్తికేయన్ హీరోగా రూపొందిన ''రెమో'' సినిమాలో కూడా హీరోయిన్ గా చేస్తోంది. బహుశా సినిమా గురించి ఆమె చెప్పిందేమో తెలియదు కాని.. ఇప్పుడు దిల్ రాజు ఈ సినిమాను అదే టైటిల్ తో తెలుగులో రిలీజ్ చేస్తున్నారట. హీరో శివ కార్తికేయన్ ను కూడా తెలుగులో గ్రాండ్ గా లాంచ్ చేస్తారట.

ట్రైలర్ చూస్తే దాదాపు రాజేంద్రప్రసాద్ ''మేడం'' సినిమా తరహాలో ఉండే ఈ ''రెమో'' మరి తెలుగు ప్రేక్షకుల మనస్సును దోచుకుంటాడేమో చూడాలి. అదే విధంగా దిల్ రాజు కూడా ''ఓకె బంగారం'' తరహాలో మరో పెద్ద హిట్ ఏమన్నా కొడతారేమో చూడాలి.


Like Us on Facebook : https://www.facebook.com/Tupakidotcom/