పూర్తి అయిన దిల్ రాజు సతీమణి అంత్యక్రియలు

రెండు రోజుల క్రితం ఊహించని రీతిలో అస్వస్థతకు గురై..అకాల మరణం చెందిన దిల్ రాజు సతీమణి అనిత అంత్యక్రియలు ఈ రోజు ముగిశాయి. నాని సినిమా షూటింగ్ లో భాగంగా అమెరికాకువెళ్లిన ఆయనకు.. భార్య మరణవార్త విని హుటాహుటిన బయలుదేరి హైదరాబాద్ చేరుకున్నారు. దిల్ రాజు వచ్చేవరకూ ఆసుపత్రిలో ఉంచిన ఆమె మృతదేహాన్ని తర్వాత ఇంటికి తరలించారు.

అంత్యక్రియల ప్రక్రియ ఈ రోజు ఉదయం మొదలైంది. అనితను పరామర్శించటానికి పలువురు సినీప్రముఖులు..రాజకీయ నేతలు బారులు తీరారు. నిజానికి ఇలాంటి పరామర్శలకు టాలీవుడ్ హీరోయిన్లు తక్కువగా హజరవుతుంటారు.అందుకు బిన్నంగా రకుల్ ప్రీత్ సింగ్ లాంటి కొందరు హీరోయిన్లు రావటం గమనార్హం. తెలంగాణరాష్ట్ర మంత్రికేటీఆర్ తో సహా..టీఆర్ఎస్..టీడీపీ..కాంగ్రెస్ తోపాటు పలు రాజకీయ పార్టీలకు చెందిన నేతలు దిల్ రాజును పరామర్శించారు.

చిరంజీవి.. రాంచరణ్.. అల్లు అరవింద్.. వివి వినాయక్..శ్రీకాంత్..చలపతిరావు.. తదితరులు దిల్ రాజు సతీమణికి నివాళులు అర్పించి అంతిమ యాత్రలో పాల్గొన్నారు. హైదరాబాద్ లోని మహాప్రస్థానంలో అంత్యక్రియల్ని పూర్తి చేశారు.

Like Us on Facebook : https://www.facebook.com/Tupakidotcom/