దిల్‌రాజు టీమ్ క‌రెక్ట్ టైమ్ లో రియాక్ట్ అయిందా?

టాలీవుడ్ లో ఈ మ‌ధ్య కొంత మంది స్టార్ హీరోల సినిమాల‌కు సంబందించిన ఫ‌స్ట్ లుక్‌, సాంగ్ టీజ‌ర్‌, టీజ‌ర్‌.. ఇలా ప్ర‌తీదీ ఎప్ప‌టి క‌ప్పుడు మేక‌ర్స్ కంటే ముందే లీక్ అయిపోతూ వారిన టెన్ష‌న్ పెట్టేస్తున్నాయి. బ‌న్నీ `పుష్ప‌` మూవీకి సంబంధించిన చాలా విష‌యాలు ప్రొడ్యూస‌ర్స్ కంటే ముందే లీక్ కావ‌డం తెలిసిందే. అయితే ఈ మ‌ధ్య‌ దిల్ రాజు నిర్మిస్తున్న భారీ సినిమాల‌కు సంబంధించిన లీకులు చ‌ర్చ‌నీయాంశంగా మారుతున్న విష‌యం తెలిసిందే.

ప‌వర్ స్టార్ ప‌వ‌న్ క‌ల్యాణ్ న‌టించిన `వ‌కీల్ సాబ్‌` నుంచి ఈ లీకుల బెడ‌ద దిల్ రాజు ను, అయ‌న టీమ్ ని క‌ల‌వ‌రానికి గురిచేస్తూ వ‌స్తోంది. అయితే కొన్ని సంద‌ర్భాల్లో లీకులు ప్లాస్ కూడా అయ్యాయి. `వ‌కీల్ సాబ్‌` సెట్ లో ప‌వ‌న్ షాట్ గ్యాప్ లో న‌డిచి వెళుతున్న పిక్ వైర‌ల్ అయిన విష‌యం తెలిసిందే. దీన్నే టైటిల్ కి వాడేసి మ‌రింత వైర‌ల్ అయ్యేలా చేశారు. ఆ త‌రువాత కూడా ప‌లు సినిమాల‌కు సంబంధించిన ఆన్ లొకేష‌న్ పిక్స్ లీకై టెన్ష‌న్ పెట్టించాయి.

రీసెంట్ గా రామ్ చ‌ర‌ణ్ - శంక‌ర్ ల కాంబినేష‌న్ లో దిల్ రాజు నిర్మిస్తున్న మూవీ ఆన్ లొకేష‌న్స్ పిక్స్‌, వీడియోస్ లీక్ కావ‌డం తెలిసిందే. దీనిపై లీగ‌ల్ సెల్ ని రంగంలోకి దించిన చిత్ర బృందం ఎవ‌రు లీక్ చేసినా క్రిమిన‌ల్ చర్య‌లు తీసుకుంటామ‌ని హెచ్చ‌రిస్తూ ఓ ప్ర‌క‌ట‌న‌ని విడుద‌ల చేసింది.

అయినా స‌రే చ‌ర‌ణ్ కి సంబంధించిన ఆన్ లొకేష‌న్ పిక్స్ బ‌య‌టికి రావ‌డం తెలిసిందే. ఇదిలా వుంటే తాజాగా దిల్ రాజు తమిళ హీరో విజ‌య్ తో నిర్మిస్తున్న `వార‌సుడు` మూవీకి సంబంధించిన ఆన్ లొకేష‌న్ వీడియో నెట్టింట వైర‌ల్ అయింది.

`వార‌సుడు` సినిమాకు సంబంధించిన ఓ వీడియో క్లిప్ ని ఓ నెటిజ‌న్ ద‌ర్జాగా సోష‌ల్ మీడియాలో షేర్ చేశాడ‌ట‌. దీన్ని గ‌మ‌నించిన టీమ్ వెంట‌నే అలెర్ట్ అయి స‌ద‌రు నెటిజ‌న్ పై కేసు పెడ‌తామంటూ బెదిరించ‌డంతో దాన్ని వెంట‌నే తొలగించి అకౌంట్ ని డీ యాక్టీవేట్ చేశాడ‌ట‌.

ఆ క్లిప్ అత‌నికి ఎలా వ‌చ్చింది అన్న‌ది ఇప్ప‌టికీ స‌స్పెన్స్ గానే మిగిలిపోయింది. విజ‌య్ హీరోగా న‌టిస్తున్న `వార‌సుడు` మూవీని తెలుగుతో పాటు త‌మిళంలోనూ విడుద‌ల చేయ‌బోతున్నారు. వంశీ పైడిప‌ల్లి ద‌ర్శ‌క‌త్వం వ‌హిస్తున్న ఈ మూవీని వ‌చ్చే ఏడాది సంక్రాంతికి రెండు భాష‌ల్లోనూ రిలీజ్ చేయ‌నున్నార‌ట‌.