మాజీ భార్య తో సినిమా కు స్టార్‌ హీరో ఓకే

మలయాళీ స్టార్‌ నటుడు దిలీప్‌ ఈమద్య కాలం లో మీడియా లో ఎక్కువగా ఉంటున్నాడు. గతంలో పెద్దగా ఎవరికి కూడా తెలియని దిలీప్‌ ఇప్పుడు సౌత్‌ ఇండియా మాత్రమే కాకుండా దేశ వ్యాప్తం గా వివాదం కారణంగా తెలిసి పోయాడు. ఈయన మాజీ భార్య మంజు వారియర్‌ వల్ల కూడా ఈయన గతంలో పలు సార్లు వార్తల్లో నిలిచాడు. ప్రస్తుతం ఈయన కావ్యా మాధవన్‌ ను పెళ్లి చేసుకుని ఆమెతో కలిసి ఉంటున్నాడు. వీరిద్దరు ఒక మలయాళ నటిని వేదించినట్లుగా కూడా కేసు నడుస్తోంది.

లైంగిక వేదింపుల కేసులో జైలుకు వెళ్లిన దిలీప్‌ సినిమాల్లో నటించడం అసాధ్యం అని.. ఆయన్ను అసలు ఇండస్ట్రీ లోకి రానివ్వద్దంటూ చాలా మంది డిమాండ్‌ చేశారు. కాని ఆయన తనకున్న పలుకుబడి మరియు స్టార్‌ హీరోల సపోర్ట్‌ తో రీ ఎంట్రీ ఇచ్చాడు. ప్రస్తుతం వరుసగా సినిమాలు చేస్తున్నాడు. ఈ సమయంలోనే ఒక సినిమా ప్రమోషన్‌ సందర్బంగా మాట్లాడుతూ తన మాజీ భార్య అయిన మంజు వారియర్‌ తో ఎలాంటి ఇబ్బంది లేదని.. ఆమెతో కలిసి నటించేందుకు తాను సిద్దంగా ఉన్నట్లు గా ప్రకటించాడు.

మంజు వారియర్‌ ప్రస్తుతం క్యారెక్టర్‌ ఆర్టిస్టు గా సౌత్‌ లో దూసుకు పోతుంది. మలయాళం మరియు తమిళ చిత్రాలతో పాటు మంజుకు ఇతర భాషల్లో కూడా ఆఫర్లు వస్తున్నాయి. తెలుగు నుండి కూడా ఈమె కు ఒక ఛాన్స్‌ వచ్చిందని.. అది చర్చల దశలో ఉన్నట్లుగా వార్తలు వస్తున్నాయి. ఇంత బిజీగా ఉన్న మంజు వారియర్‌ తన మాజీ భర్త దిలీప్‌ తో కలిసి నటించేందుకు ఆసక్తి చూపుతుందా అనేది చూడాలి. దిలీప్‌ మరియు మంజు వారియర్‌ లకు ఒక పాప ఉన్న విషయం తెల్సిందే. ఆ పాప కోసం వీరిద్దరు స్నేహంగా ఉంటున్నట్లుగా తెలుస్తోంది.