జైలు నుంచి హీరో వస్తుంటే.. అబ్బో..

హీరోయిన్ కిడ్నాప్ కేసులో జైలుకెళ్లిన మలయాళం స్టార్ హీరో దీలిప్ ఫైనల్ గా బెయిల్ తో జైలు నుండి బయటకి వచ్చాడు. హీరోగా ఉన్నపుడు సూపర్ స్టార్ లైఫ్ ను అనుభవించిన దీలిప్ జైల్లో మూడు నెలల పాటు సాధారణ ఖైదీల జీవితాన్ని అనుభవించాడు. అయితే జైలు కి వెళ్లినవుడే బెయిల్ కోసం చాలా ప్రయత్నించాడు. కానీ దీలిప్ బయటకి వస్తే సాక్షాలను తారు మారు చేసే అవకాశం ఉందని కోర్టు బెయిల్ ఇవ్వలేదు. నాలుగు సార్లు బెయిల్ ఇవ్వని కోర్టు ఫైనల్ గా ఐదవసారి ఇచ్చింది.

దీంతో మలయాళం స్టార్ జైలు నుంచి ఈ రోజు బయటకి వచ్చాడు. అయితే ఆయన అడుగు అలా బయటపెట్టాడో లేదో వందల సంఖ్యలో అభిమానులు జైలు ఎదుట కనిపించారు. అంతే కాకుండా దీలిప్ ఆత్మ బందువులు జైలు దగ్గరికి వచ్చి దీలిప్ ను ఆయన ఇంటివద్దకు తీసుకెళ్లారు. దీలిప్ ఇంటికి చేరుకున్న తర్వాత కూడా అభిమానులు అధిక సంఖ్యలో కలుసుకున్నారు. ఆయనతో సెల్ఫీలు కూడా తీసుకున్నారు. ఇక మలయాళం ప్రముఖ నటి నటులు కూడా దీలిప్ ను చూడటానికి వచ్చారు. అంతే కాకుండా ఆయనతో కొంచెం సేపు మాట్లాడారు కూడా.

దీలిప్ ఫ్యాన్స్ ఎక్కువగా రావడం అందరిని ఆశ్చర్యపరిచింది. ఎందుకంటే అరెస్ట్ అయినపుడు చాలా వరకు అభిమాన సంఘాలు సైలెంట్ గా ఉన్నాయి. ఆయనకు మద్దతు గా అంతగా ఆందోళనలు కూడా చెలరేగలేదు. ఇక సినీతారలు పలువురు రాజకీయ నాయకులు మాత్రం దీలిప్ కి మద్దతుగా నిలిచారు. మొత్తానికి దీలిప్ బాహ్య ప్రపంచంలోకి అడుగు పెట్టారు. ప్రస్తుతం సోషల్ మీడియాలో ఎక్కడ చూసినా దీలిప్ జైలు నుంచి విడుదలైన సందర్భంగా అభిమానులు సెలబ్రెటీలు ఆయనతో దిగిన ఫొటోలే చాలా హల్ చల్ చేస్తున్నాయి.