ట్రైలర్ టాక్: దిల్‌‌ వాలే దూసుకొస్తున్నాడు

కొన్ని ప్రేమ కథలకు ఎప్పటికీ అంతం ఉండదు. 20 ఏళ్ల క్రితం వచ్చిన దిల్వాలే దుల్హనియా లేజాయేంగే చూసిన ఎవరైనా ఒప్పుకుంటారు. అందుకే అదే కాంబినేషన్ అయిన షారూక్ - కాజోల్ జంటగా.. లేటెస్ట్ ట్రెండ్ లో తెరకెక్కించాడు డైరెక్టర్ రోహిత్ శెట్టి.

అందరికీ దిల్ ఉన్నా.. అందరూ దిల్ వాలే కాలేరు అంటూ మనసును తట్టే డైలాగ్ తో స్టార్ట్ అవుతుంది దిల్ వాలే ట్రైలర్. కామెడీ గ్యాంగ్ తో పొట్ట చెక్కలయ్యేలా నవ్విస్తూ, రోహిత్ శెట్టి మార్క్ హడావిడి కనిపిస్తోంది. అంతలోనే షారూక్ - కాజోల్ ఎంటర్ అయిపోయి.. ప్రేమ కురిపించేస్తారు. 15 ఏళ్ల క్రితం విడిపోయిన జంటగా కనిపించనున్నారు ఈ బెస్ట్ ఎవర్ లవ్ పెయిర్. యంగ్ జనరేషన్ అయిన వరుణ్ ధావన్ - క్రితి సనోన్ ప్రేమ కోసం ఇద్దరూ ఒకరితో ఒకరు పోటీ పడబోతున్నారు. మోసపోయింది నేను.. ఏం చెయ్యాలో నేను చూస్కుంటాననడం బాగుంది. చివరలో మళ్లీ మొహం చూపించద్దు., ప్రాణం తీసేస్తానని ప్రేమతో షారూక్ చెప్పే డైలాగ్ మొత్తం ట్రైలర్ కే హైలైట్.

రోహిత్ శెట్టి మార్క్ యాక్షన్ సీన్స్ ఫుల్లుగా దిల్ వాలే.. క్రిస్మస్ కానుకగా డిసెంబర్ 18న రిలీజ్ కానుంది. మొత్తం మీద మరో మనసును పిండేసే లవ్ స్టోరీ ఇదని అర్ధమవుతున్నా.. డీడీఎల్ అంత సాఫ్ట్ అయితే కాదు.