దిమాక్ ఖరాబ్: ఇస్మార్ట్ టీం ఊర మాసుర భయ్!

పూరి జగన్నాధ్ దర్శకత్వంలో ఎనర్జిటిక్ స్టార్ రామ్ పోతినేని హీరోగా తెరకెక్కుతున్న చిత్రం 'ఇస్మార్ట్ శంకర్'. ఈ సినిమాలో రామ్ సరసన నిధి అగర్వాల్.. నభా నటేష్ హీరోయిన్లుగా నటిస్తున్నారు. ఇప్పటికే ఈ సినిమా ప్రోమోస్ సినిమాపై ఆసక్తిని పెంచేవిగా ఉన్నాయి. తాజాగా ఈ సినిమానుండి ఫస్ట్ లిరికల్ సాంగ్ 'దిమాక్ ఖరాబ్' ను విడుదల చేశారు.

'ఇస్మార్ట్ శంకర్' చిత్రానికి సంగీత దర్శకుడు మణిశర్మ అనే సంగతి తెలిసిందే. ఈ పాటకు సాహిత్యం అందించిన వారు కాసర్ల శ్యామ్. పాడిన వారు కీర్తన శర్మ.. సాకేత్. ఇది ఊర మాస్.. పక్కా మాస్ సాంగ్. "సిలక సిలక సిలక ఇది సితరాంగి సిలక.. పిలగ పిలగ పిలగా పెట్టి పోరా సురక" అంటూ ఫోక్ స్టైల్ మాస్ లో సాగింది పాట సాహిత్యం. ఈ పాట సాహిత్యానికి తగ్గట్టు మాంఛి ఫుట్ టాపింగ్ ట్యూన్ ను ఇచ్చారు స్వరబ్రహ్మ మణిశర్మ. సింగర్లు కీర్తన శర్మ.. సాకేత్ లో హై పిచ్ లో పాడుతూ దుమ్ము లేపారు. రెండు సార్లు మూడు సార్లు కనుక వింటే ఇది కనెక్ట్ అయిపోవడం ఖాయం. సాంగ్ అంతా ఫుల్ ఎనర్జీతో సాగింది.

ఈ పాటకు రామ్ ఇద్దరు బ్యూటీలు నిధి అగర్వాల్.. నభా నటేష్ తో స్టెప్పులు వేస్తున్నాడు కాబట్టి ఫుల్ మాస్ ట్రీట్ అని మనం ఫిక్స్ అయిపోవచ్చు. విజువల్స్.. డ్యాన్స్ కనుక బాగుంటే సాంగ్ చార్ట్ బస్టర్ల లిస్టులో చేరడం పెద్ద కష్టమేమీ కాదు. 'ఇస్మార్ట్ శంకర్' ఫస్ట్ సాంగ్ తోనే మాస్ అభిమానుల దిల్ ఖుష్ చేసినట్టే. వెంటనే చూసేయండి. .పూరిగారు అసలే స్పీడ్ డైరెక్టర్ ఆలస్యం అంటే అసలు నచ్చదు.