అనిల్ రావిపూడి షాకిచ్చేలా వున్నాడే!

క‌రోనాకు ముందు డైరెక్ట‌ర్స్ అసోసియేష‌న్ కు సంబంధించిన ఓ ఈవెంట్ జ‌రిగింది. దీనికి మెగాస్టార్ చిరంజీవిని చీఫ్ గెస్ట్ గా ఆహ్వానించారు. త్రివిక్ర‌మ్‌, పూరి జ‌గ‌న్నాథ్‌, రాజ‌మౌళి, సురేంద‌ర్ రెడ్డి వంటి స్టార్ డైరెక్ట‌ర్స్ మిన‌హా.. డైరెక్ష‌న్ టీమ్‌, అసిస్టెంట్, అసోసియేట్‌, అండ్ కో డైరెక్ట‌ర్స్ టీమ్ అంతా పాల్గొన‌గా ఓ ఈవెంట్ జ‌రిగింది. చిరు ఈవెంట్ కి వ‌స్తున్నాడ‌ని తెలియ‌డంతో హాల్ మొత్తం నిండిపోయింది. అంత‌లోనే మెగాస్టార్ చిరంజీవి హాల్ లోకి ఎంట్రీ ఇచ్చారు. అంతా సాద‌రంగా ఆయ‌న‌ని ఆహ్వానించి సీట్ లో కూర్చోబెట్టారు.

ఇంత‌లో డైరెక్ట‌ర్స్ అసోసియేష‌న్ త‌రుపున ఎవ‌రైనా ఎంట‌ర్ టైనింగ్ గా వుండే ఓ స్కిట్ చేయ‌మ‌న్నాడు డైరెక్ట‌ర్స్ అసోసియేష‌న్ ప్రెసిడెంట్ శంక‌ర్‌.. అలా అన‌డ‌మే ఆల‌స్యం బ్లాక్ బ‌స్ట‌ర్ డైరెక్ట‌ర్స్ అనిల్ రావి పూడి, హ‌రీష్ శంక‌ర్ రంగంలోకి దిగేశారు. అయితే ఇందులో మేజ‌ర్ పార్ట్ మాత్రం అనిల్ రావిపూడిదే.. మెగాస్టార్ ముందు అనిల్ రావిపూడి ఓ రేంజ్ లో రెచ్చిపోయి స్కిట్ ని ర‌క్తి క‌ట్టించాడు. ఆద్యంతం న‌వ్వులు పూయించాడు. అనిల్ రావిపూడి టైమింగ్ కి మెగాస్టార్ తో పాటు అక్క‌డున్న వారంతా ఫిదా అయిపోయారు.

ఇంకే ముంది హాలు మొత్తం అనిల్ రావిపూడి స్కిట్ ముగియ‌గానే చ‌ప్ప‌ట్లతో మారుమోగిపోయింది. అనిల్ లో ఈ స్థాయి ఆర్టిస్ట్ వున్నాడా? అని మెగాస్టార్ క‌ళ్ల‌ల్లో క‌నిపించింది. అదే విష‌యాన్ని అక్క‌డున్న వారంతా అనుకుని ఒకింత ఆశ్చ‌ర్య‌పోయారు.

ఇప్పుడు అదే విష‌యాన్ని నిజం చేసే విధంగా ద‌ర్శ‌కుడు అనిల్ రావిపూడి అడుగులు వేస్తున్నాడా? అంటే అత‌ను చేస్తున్న టీవీ షోల‌ని బ‌ట్టి చూస్తుంటే ఇదే విష‌యం స్ప‌ష్ట‌మ‌వుతోంది.

'ఎఫ్ 3' ప్ర‌మోష‌న్స్ లోనూ ప‌క్క‌న వెంక‌టేష్‌, వ‌రుణ్ తేజ్ వంటి హీరోలు వున్నా కూడా వారిని డామినేట్ చేస్తూ ప్ర‌చారం చేయ‌డం తెలిసిందే. దీనికి కార‌ణం అత‌నిలో ఆర్టిస్ట్ కావాల‌న్న కోరిక బ‌లంగా వుండ‌ట‌మేన‌ని తెలుస్తోంది. త‌మిళంలో శ‌శికుమార్ లాంటి ద‌ర్శ‌కులు హీరోలుగా రాణిస్తున్న‌ట్టే అనిల్ రావిపూడి కూడా అదే పంథాలో షాకివ్వ‌డానికి రెడీ అవుతున్నాడా? అంటే అవున‌నే స‌మాధానం వినిపిస్తోంది.

ఆ మ‌ధ్య 'ఆహా' ఓటీటీ కోసం రంగంలోకి దిగిన ప్ర‌మోష‌న‌ల్ వీడియోల్లో క‌నిపించిన అనిల్ రావిపూడి ఇప్ప‌డు ఈటీవీలో ప్ర‌సారం అవుతున్న 'మిస్ట‌ర్ అండ్ మిస్సెస్' షోలో జ‌డ్జిగా ద‌ర్శ‌నమివ్వ‌బోతున్నాడు. పేరుకు జ‌డ్జె అయినా ఓ హీరో ఏ స్థాయిలో హంగామా చేస్తాడో ఆ స్థాయి హంగామా చేస్తున్నాడు అనిల్ రావిపూడి. అత‌ని డ్యాన్సులు, పంచ్ డైలాగ్ లు చూసి, విన్న వారంతా ఖ‌చ్చితంగా అనిల్ హీరోగా షాక్ ఇవ్వ‌డం గ్యారెంటీ అని కామెంట్ లు చేస్తున్నారు.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.