కోహినూర్ వజ్రం చూపిస్తా: స్టార్ డైరెక్టర్

పవర్ స్టార్ పవన్ కళ్యాణ్ రీఎంట్రీ కోసం అభిమానులు ఎప్పటినుండో ఎదురు చూస్తున్నారు. కరోనా లేకపోతే ఈ పాటికే ప‌వ‌న్ సినిమా విడుదల దగ్గర పడేది. ఇప్ప‌టికే పింక్ సినిమా రీమేక్ వ‌కీల్ సాబ్ షూటింగ్ పూర్తి చేసుకుని పోస్ట్ ప్రొడక్షన్ దశలో ఉంది. కానీ ఈ సినిమా షూటింగ్ మ‌రో షెడ్యూల్ పూర్తైతే కానీ ప‌వ‌న్ సినిమా రాదు. ఇప్పుడు పవన్ సినిమాలపై మెగా బ్రదర్ నాగ‌బాబు ఆస‌క్తిక‌ర‌మైన విషయాలు వెల్లడించాడు. పింక్ సినిమాపై ముందు నుంచి కూడా ప‌వ‌న్ చాలా ఆస‌క్తి చూపించాడ‌ని.. ఆ సినిమా రీమేక్ చేయాల‌నుంద‌ని ఒక‌ట్రెండు సార్లు త‌న‌కు చెప్పాడ‌ని నాగబాబు తెలిపాడు. అదీగాక పింక్ రెండు భాష‌ల‌తో పోలిస్తే క‌చ్చితంగా తెలుగులో బెట‌ర్ మెంట్ చేసార‌ని చెప్పాడు.

అంతేగాక పవన్-డైరెక్టర్ క్రిష్ సినిమా గురించి కూడా కొన్ని ఆస‌క్తిక‌ర‌మైన విష‌యాలు బ‌య‌ట‌పెట్టాడు నాగ‌బాబు. ముఖ్యంగా ఈ సినిమాలో ప‌వ‌న్ మొగ‌లాయిల క‌థ చేస్తున్నాడ‌ని అస‌లు విష‌యం చెప్పాడు. ఇది మొగలాయిల కాలం నాటి కథ అని.. సినిమా అంతా కోహినూర్ వజ్రం చుట్టూ కథ నడుస్తుందని చెప్పి ఆసక్తి రేకెత్తించాడు. ఈ పీరియాడిక్ క‌థ‌ను క్రిష్ కూడా పవన్‌ ఇమేజ్ కి స‌రిపోయేలా తయారు చేసాడట. ఈ రెండు సినిమాలు త‌ప్ప‌కుండా ప‌వ‌న్ అభిమానుల‌కు ట్రీట్ ఇవ్వ‌డం ఖాయం అంటున్నారు. ఆయన మాటలతో సినిమాల‌పై అంచ‌నాలు మ‌రింత‌గా పెరిగిపోయాయి. ఇక వ‌కీల్ సాబ్ ఈ ఏడాది విడుద‌ల అవుతుండగా.. క్రిష్ సినిమా వచ్చే ఏడాది విడుద‌ల కానుందని తెలుస్తుంది.