జెర్సీ కోసం క్రిష్ సాయం

గత కొంతకాలంగా దర్శకుడు క్రిష్ కు టైం ఏ మాత్రం కలిసి రావడం లేదు. నిర్మాతగా డిసెంబర్ లో అంతరిక్షం రూపంలో ఓ షాక్ తింటే రెండు నెలలు గడవకుండానే ఎన్టీఆర్ కథానాయకుడు మహానాయకుడు రెండూ డిజాస్టర్లు కావడం ఊహించని పరిణామం. అందుకే ఈమధ్య క్రిష్ ఓపెన్ మీడియాకు దొరక్కుండా ఉన్నాడు. ఇదిలా ఉండగా జెర్సీలోని ఎమోషన్ ప్లస్ సెంటిమెంట్ క్రిష్ ని బయటికి వచ్చేలా చేసింది.

సినిమా చూసి కదిలిపోయిన క్రిష్ ఊరికే అభినందనలతో సరిపెట్టకుండా నాని గౌతం తిన్ననూరిలతో ఒక స్పెషల్ వీడియో ఇంటర్వ్యూ లాంటిది చేసే దాకా ప్రేరేపించింది. దీన్ని హారికా అండ్ హాసిని యుట్యూబ్ ఛానల్ లో అఫీషియల్ గా పోస్ట్ చేసింది. ఇందులో తాను జెర్సీని అంతగా ఎందుకు ఇష్టపడింది వివరిస్తూనే గౌతం నుంచి దీని మేకింగ్ కి సంబంధించిన డీటెయిల్స్ తెలుసుకోవడం విశేషం. మొత్తానికి క్రిష్ ని జెర్సీ బాగా ఎగ్జైట్ చేసినట్టు కనిపించింది.

మాములుగా ఒక సినిమా సక్సెస్ అయితే దానికి సపోర్ట్ గా ఒక ట్వీట్ పెట్టడమే భారంగా ఫీలయ్యే కొందరు దర్శకుల మధ్య తాను ఎంత గొప్ప స్థాయిలో ఉన్నా అది పక్కనపెట్టి కేవలం రెండు సినిమాల అనుభవం ఉన్న గౌతంని ఇలా స్పెషల్ గా ట్రీట్ చేసిన క్రిష్ చర్యకు సర్వత్రా ప్రశంసలు దక్కుతున్నాయి. ఇప్పటికే పాతిక కోట్లు షేర్ రాబట్టిన జెర్సీ ఇంకో రెండు మూడు రోజుల్లో లాభాల్లోకి అడుగు పెట్టనుంది