విజయ్ సినిమాలో విక్రమ్ గ్యాంగ్.. బిగ్ యూనివర్స్

యువ దర్శకుడు లోకేష్ కనగరాజ్ తన యూనివర్స్ ను మరింత విస్తృతం చేసుకుంటున్నాడు. రాబోయే రోజుల్లో అతను క్రియేట్ చేసిన పాత్రలతోనే ఎన్నో అద్భుతాలను సృష్టించాలని ప్రణాళికలు రచిస్తున్నట్లు అనిపిస్తోంది. విక్రమ్ సినిమాలో లోకేష్ హీరోతో పాటు విలన్ ను కూడా చాలా పవర్ఫుల్ గా ప్రజెంట్ చేశాడు. ముఖ్యంగా కమల్ హాసన్ చాలా రోజుల తర్వాత విక్రమ్ సినిమాతో బాక్స్ ఆఫీస్ వద్ద భారీ విజయాన్ని అందుకున్నాడు.

ఆ సినిమా 400 కోట్ల కలెక్షన్స్ అందుకుని రికార్డును క్రియేట్ చేసింది. ఇక విక్రమ్ సినిమాలో ఫాహర్ ఫాజిల్ చేసిన పాత్రకు కూడా మంచి గుర్తింపు లభించింది. ఇక విజయ్ సేతుపతి గురించి ప్రత్యేకంగా చెప్పనవసరం లేదు. సూర్య కూడా రోలెక్స్ పాత్రతో మరో రేంజ్ లో సర్ ప్రైజ్ చేశాడు.

అయితే ఇప్పుడు ఈ గ్యాంగ్ అంతటినీ కూడా మరో సినిమాలో చూపించడానికి లోకేష్ ప్రణాళికలు రచిస్తున్నాడు. అది కూడా కోలీవుడ్ స్టార్ హీరో విజయ్ 67వ సినిమాలో హైలెట్ చేసే అవకాశం ఉన్నట్లుగా తెలుస్తోంది. ఇటీవల లోకేష్ విజయ్ 67వ సినిమాను పూజా కార్యక్రమాల తో మొదలు పెట్టిన విషయం తెలిసిందే.

అయితే ఈ సినిమాలో కూడా అతను మొత్తం ఏడు మంది హీరోలను చూపించబోతున్నాడట. విక్రమ్ సినిమాల్లో వచ్చిన క్యారెక్టర్స్ తో పాటు ఖైదీ కార్తి క్యారెక్టర్ కూడా హైలెట్ చేయబోతున్నట్లు తెలుస్తోంది. అంతేకాకుండా మరో పవర్ఫుల్ క్యారెక్టర్ లో బాలీవుడ్ స్టార్ యాక్టర్ సంజయ్ దత్ కూడా పవర్ఫుల్ పాత్రలో సర్ ప్రైజ్ చేయబోతున్నట్లు సమాచారం.

ఇక విజయ్ అయితే మాస్టర్ క్యారెక్టర్ ను ఇందులో కంటిన్యూ చేయనున్నట్లు కూడా ఒక టాక్ అయితే వినిపిస్తోంది. లోకేష్ అయితే తన యూనివర్స్ తో తప్పకుండా రాబోయే రోజుల్లో బాక్సాఫీస్ వద్ద సరికొత్త రికార్డులు క్రియేట్ చేస్తాడని చెప్పవచ్చు.

అలాగే అతను కొంతమంది టాలీవుడ్ హీరోలను కూడా తన యూనివర్స్ లో కలపాలని అనుకుంటున్నాడు. ప్రస్తుతం అయితే ఏ టాలీవుడ్ హీరో కూడా అతనితో సినిమా చేసేందుకు ఇంకా ఒప్పుకోలేదు. మరి లోకేష్ విజయ్ 67వ సినిమాతో ఇలాంటి సెన్సేషన్ క్రియేట్ చేస్తాడో చూడాలి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.