ఇటు గోపితో సినిమా.. అటు కాజ‌ల్ తో వెబ్ సిరీస్!

ఇటు గోపి చంద్ తో సినిమా.. అటు కాజ‌ల్ తో వెబ్ సిరీస్! .. ఇదీ మారుతి స‌న్నివేశం. ఈ లాక్ డౌన్ లో వ‌రుస పెట్టి స్క్రిప్టులు రెడీ చేసి వాట‌న్నిటికీ ఒక్కొక్క‌టిగా లైన్ క్లియ‌ర్ చేసుకుంటున్నాడు. గోపిచంద్ హీరోగా న‌టిస్తున్న తాజా చిత్రం అక్టోబర్ 1 న విడుద‌ల‌వుతుంది. ఇదో కామెడీ యాక్ష‌న్ ఎంట‌ర్ టైన‌ర్.

అలాగే కాజ‌ల్ తో వెబ్ సిరీస్ కి మారుతి రూప‌క‌ల్ప‌న చేశారు. 3 రోజెస్ అనేది ఆ సిరీస్ టైటిల్. ఇది త్వరలో ప్రారంభమవుతుంది.  ఆహా-తెలుగు ఓటీటీ ఈ ప్రాజెక్టును నిర్మిస్తోంది. దీనికి సంబంధించి మరిన్ని వివరాలను త్వరలో ప్రకటించనున్నారు.

కాజల్ కెరీర్ మ్యాట‌ర్ కి వ‌స్తే ఓవైపు సినిమాలు చేస్తూనే వెబ్ సిరీస్ ల‌కు ఓకే చెబుతున్నారు. ఇటీవల `లైవ్ టెలికాస్ట్` అనే హార‌ర్ థ్రిల్ల‌ర్ తో త‌న డిజిటల్ అరంగేట్రం చేసారు కాజ‌ల్. ఇది డిస్నీ ప్లస్ హాట్ స్టార్ లోప్రసారం అవుతోంది. వేసవిలో విడుదల కానున్న మెగాస్టార్ చిరంజీవి ఆచార్యలో కాజల్ నాయిక‌. భార‌తీయుడు 2లోనూ న‌టిస్తోంది. అలాగే ఇప్ప‌టికే పూర్త‌యిన‌ ప్యారిస్ ప్యారిస్ రిలీజ్ కావాల్సి ఉంది.