డైరెక్ట‌ర్‌ తో మ‌హేష్ ఫైటింగ్‌

హెడ్డింగ్ చూసి కంగారుప‌డ‌కండి. షూటింగ్‌ లో ఏ డైరెక్ట‌ర్‌ తోనైనా పొర‌ప‌చ్ఛాలు వ‌చ్చాయేమో అనే అనుమాన‌మే వ‌ద్దు. అయినా మ‌హేష్ ఏ విష‌యాన్న‌యినా సున్నితంగా డీల్ చేస్తాడు త‌ప్ప ఫైటింగ్ వ‌ర‌కు తెచ్చుకోడు క‌దా! పూర్తిగా ఇది వేరే విష‌య‌మ‌న్న‌మాట‌. ఆ వివ‌రాల్లోకి వెళితే... మ‌హేష్ సినిమాలో విల‌న్‌ గా ఓ ద‌ర్శ‌కుడు న‌టించ‌బోతున్నాడ‌ట‌. అది కూడా త‌న‌తో సినిమా చేసిన ద‌ర్శ‌కుడేన‌ట‌. ఫిల్మ్‌ న‌గ‌ర్‌ లో ఆ విష‌యం ఇప్పుడు హాట్ టాపిక్‌ గా మారింది. ఇంత‌కీ మ‌హేష్‌ కి విల‌న్‌ గా న‌టించే ఆ ద‌ర్శ‌కుడు ఎవ‌రనేదే ఇప్పుడు ఆస‌క్తిక‌రంగా మారింది.

తేజ అని కొద్దిమంది జ‌యంత్ సి.ప‌రాన్జీ అని మ‌రికొద్దిమంది మాట్లాడుకుంటున్నారు. మ‌రికొద్దిమంది మాత్రం ఆ వార్త‌ని తోసిపుచ్చుతున్నారు. ఇంత మంది విల‌న్లుండ‌గా ద‌ర్శ‌కుడితో మ‌హేష్ ఎందుకు ఫైట్ చేస్తాడ‌ని అంటున్నారు. మ‌రి ఈ వార్త‌ల‌కి ఎప్పుడు పుల్‌ స్టాప్ ప‌డాలంటే మురుగ‌దాసే స్పందించాలి. మురుగ‌దాస్ ద‌ర్శ‌క‌త్వంలో మ‌హేష్ ఓ సినిమా చేయ‌బోతున్న విష‌యం తెలిసిందే. ఇందులోనే ఓ ద‌ర్శ‌కుడిని విల‌న్‌ గా ఎంచుకొన్నార‌ని స‌మాచారం. జూన్‌ లో ఆ సినిమా ప‌ట్టాలెక్కే అవ‌కాశాలున్నాయ‌ని ఫిల్మ్ న‌గ‌ర్ స‌మాచారం. ఇదివ‌ర‌కు హీరోయిన్ గురించి కూడా పెద్ద‌యెత్తున ప్ర‌చారం సాగింది. కీర్తి సురేష్ అని కొంద‌రు, ప‌రిణీతి చోప్రా అని మ‌రికొంద‌రు చెప్పుకొన్నారు. కానీ ఇప్ప‌టిదాకా అదికారింగా ఎవ‌రి పేరునూ ప్ర‌క‌టించ‌లేదు. మ‌రి హీరోయిన్‌ - విల‌న్ వివ‌రాల‌న్నీ ఒక‌సారి ప్ర‌క‌టిస్తే ఓ ప‌నైపోద్ది క‌దా!