క్రిటిక్స్ తో అప్సెట్ అయిన డైరెక్టర్

ఒక సినిమా తీసి మార్కెట్ లోకి వదిలిన తర్వాత ఎవరు ఎలా రియాక్ట్ అవుతారో ఏ ఫిలిం మేకర్ కూడా ఊహించలేడు. అలా నిజంగా ఊహించగలిగే ఫిలిం మేకర్ ఉంటే వరసగా బ్లాక్ బస్టర్ లు సాధిస్తాడుగా? రీసెంట్ గా రిలీజ్ అయిన 'వీరభోగ వసంత రాయలు' చిత్రానికి ఫుల్ గా బ్యాడ్ రివ్యూస్ వచ్చాయి. మౌత్ టాక్ కూడా భిన్నంగా ఏమీ లేదు.

హీరోలు నారా రోహిత్.. శ్రీవిష్ణు.. సుధీర్ బాబు ఎవ్వరూ కూడా దీనిపై ఇంకా రెస్పాండ్ కాలేదు. కానీ డైరెక్టర్ ఇంద్రసేన మాత్రం ఫుల్ గా అప్సెట్ అయినట్టున్నాడు. ట్విట్టర్ లో "మీరు ఒక మంచి సినిమాను చెత్త రివ్యూలతో చంపేయలేరు. సిగ్గుండాలి. వీరభోగ వసంతరాయలు ఒక కల్ట్ ఫిలిం. స్లోగా అది కల్ట్ స్టేటస్ అందుకుంటుంది.' అంటూ విరుచుకుపడ్డాడు. వరస ట్వీట్లలో తన సినిమాను విమర్శకులు మొత్తంగా అర్థం చేసుకోలేదని అభిప్రాయపడ్డాడు.

సినిమా గురించి అర్థం కాని ఇంగ్లీష్ పదవిన్యాసంతో రామ్ గోపాల్ వర్మ లాగా 'లీనియర్లీ నాన్ లీనియర్.. నాన్ లీనియర్లీ ఇన్సైటింగ్.. ఇన్సైటింగ్లీ మిస్టీరియస్.. ఎంగేజింగ్లీ మైండ్ బెండింగ్.. మైండ్ బెండింగ్లీ మల్టీ లేయర్డ్ అండ్ ఎడ్జ్ ఆఫ్ ది సీట్ నియో సోషల్ నాయిర్ క్రైమ్ థ్రిల్లర్' అని వివరించాడు. మనకు అయన పెట్టిన ట్వీటే అర్థం కావడం లేదు ఇక ఆయన తీసిన సినిమా ఎలా అర్థం అవుతుంది?

సింపుల్ గా చెప్తే.. డైరెక్టర్ అప్సెట్ అయ్యాడు. అంతే. ఇక మాట్లల్లేవ్.. మాట్లాడుకోవడాల్లేవ్.