స్టార్ హీరో పై డైరెక్ట‌ర్ ఆరోప‌ణ‌లు!

ఇల‌య‌ద‌ళ‌ప‌తి విజ‌య్ కి ఉన్న ఫ్యాన్ ఫాలోయింగ్ తెలిసిందే. ప్ర‌పంచ‌వ్యాప్తంగా కోట్లాదిగా అభిమానులు ఉన్నారు. అత‌డు ఏ సినిమాలో న‌టించినా అది బంప‌ర్ హిట్ అవుతోంది అంటే అభిమానుల ఆద‌ర‌ణ వ‌ల్ల‌నే. సౌత్ లో ఉన్న ప్రామిస్సింగ్ స్టార్స్ లో ఒక‌డిగా విజ‌య్ కి పేరుంది. ఇక అత‌డు న‌టించే సినిమాల్లో కంటెంట్ ఎంతో చ‌క్క‌ని సందేశంతో ఐడియ‌ల్ గా ఉంటుంది. విజయ్ ని అంద‌రివాడుగా తంబీలు భావిస్తారు.

అలాంటి వాడిపై డైరెక్ట‌ర్ సామి సంచ‌ల‌న వ్యాఖ్య‌లు చేశారు. అభిమానుల‌పై విజ‌య్ దొంగ ప్రేమ చూపిస్తాడ‌ని- ఆ ప్రేమ నాలుక‌పై త‌ప్ప‌ హార్ట్ లో ఉండ‌ద‌ని అత‌డు తీవ్ర విమ‌ర్శ‌లు చేయ‌డం క‌ల‌క‌లం రేపుతోంది. ఫ్యాన్స్ కు షేక్ హ్యాండ్ ఇచ్చిన త‌ర్వాత విజ‌య్ డెట్టాల్ తో చెయ్యి క‌డుక్కుంటాడు. అది నిజ‌మైన ప్రేమ కానే కాదు అంటూ విమ‌ర్శించాడు స‌ద‌రు ద‌ర్శ‌కుడు.

బాక్సాఫీస్ లెక్క‌ల కోస‌మే విజ‌య్ అలా ప్రేమ‌ను కురిపిస్తుంటాడ‌ని దానిని అభిమానులు న‌మ్మొద్ద‌ని వ్యాఖ్యానించారు. ఫేవ‌రిజం త‌గ్గాల‌ని విజ‌య్ అభిమానుల‌కు సూచించారు. అయితే సామి మ‌రీ ఇంత తీవ్ర‌మైన ఆరోప‌ణ‌లు ఎందుకు చేశాడు? అంత‌టి శ‌త్రుత్వం ఆ ఇద్ద‌రి మ‌ధ్యా ఏం ఉంది? అన్న‌ది తెలియాల్సి ఉంది. సామి ఇంత‌కుముందు సింధు సామ‌వేళి అనే కాంట్ర‌వ‌ర్శియ‌ల్ సినిమాని తెర‌కెక్కించారు. ప‌లు ప్ర‌యోగాత్మ‌క చిత్రాల‌తో త‌మిళ ప్రేక్ష‌కుల‌కు సుప‌రిచితం.