సందీప్ రెడ్డి యానిమల్ స్టొరీ లైన్ ఇదేనంట

సందీప్ రెడ్డి వంగా అర్జున్ రెడ్డి సినిమా తర్వాత తెలుగులో ఇప్పటి వరకు ఒక్క సినిమా కూడా చేయలేదు. ప్రభాస్ తో మూవీ ఫైనల్ అయి ఉన్నా కూడా అది స్టార్ట్ అయ్యేసరికి కనీసం రెండేళ్ళ సమయం పడుతుంది. ఈ నేపధ్యంలోనే బాలీవుడ్ లో అర్జున్ రెడ్డి రీమేక్ కబీర్ సింగ్ తో బ్లాక్ బస్టర్ హిట్ ఇప్పటికే కొట్టాడు.

దీంతో రెండో సినిమాని కూడా హిందీలోనే తెరకెక్కిస్తున్న సంగతి తెలిసిందే. ఏకంగా స్టార్ హీరో రణబీర్ కపూర్ తో యానిమల్ టైటిల్ తో సినిమాని సందీప్ రెడ్డి వంగా తెరకెక్కిస్తున్నాడు. ఈ మూవీ ఫస్ట్ లుక్ పోస్టర్ ఇప్పటికే రిలీజ్ అయ్యింది. చేతిలో గొడ్డలితో, ఒళ్లంతా రక్తంతో, మాసిన బట్టలు, గడ్డంతో రణబీర్ కపూర్ లుక్ ఈ పోస్టర్ లో కనిపించింది. దీనిని బట్టి ఈ మూవీ హై వోల్టేజ్ మాస్ యాక్షన్ థ్రిల్లర్ అయ్యి ఉంటుందనే మాట వినిపిస్తుంది. పేరు కూడా అలాగే ఉండటంతో కచ్చితంగా మాస్ కథాంశంని సందీప్ రెడ్డి వంగా ఈ మూవీ కోసం తీసుకున్నాడు అనే మాట వినిపిస్తుంది.

ఇదిలా ఉంటే ఇప్పుడు ఈ మూవీ స్టొరీలైన్ గురించి బిటౌన్ లో ఆసక్తికరమైన కథనం వినిపిస్తుంది. ఈ మూవీ పక్కా రివెంజ్ స్టొరీ అని తెలుస్తుంది.తండ్రి కొడుకుల సెంటిమెంట్ తో ఈ మూవీ కథాంశం ఉంటుందని టాక్. తండ్రి కోసం ఓ కొడుకు ఏం చేసాడు అనేది ఇందులో మెయిన్ పాయింట్ గా సందీప్ రెడ్డి చెప్పబోతున్నాడు అనే మాట వినిపిస్తుంది. సౌత్ లో ఇలాంటి స్టొరీ లైన్ పాతవే అయినా కూడా పీరియాడిక్ టచ్ తో ఈ మూవీ కథని దర్శకుడు సందీప్ చెప్పబోతున్నాడని టాక్.

అలాగే ఇలాంటి కథాంశం బాలీవుడ్ లో ఫస్ట్ టైం అనే మాట వినిపిస్తుంది. పూర్తిగా కొత్త నేటివిటీతో సౌత్ ఫ్లేవర్ మిక్స్ చేసి నార్త్ ఆడియన్స్ కి యానిమల్ ద్వారా సందీప్ రెడ్డి వంగా అందించే ప్రయత్నం చేయబోతున్నాడని తెలుస్తుంది.ఇక ఈ మూవీలో రణబీర్ కపూర్ తండ్రి పాత్రలో అనీల్ కపూర్ నటిస్తున్నట్లు టాక్. సౌత్ ఇండియా స్టార్ హీరోయిన్ రష్మిక మందనకి బాలీవుడ్ ఇదే బిగ్గెస్ట్ ప్రాజెక్ట్ అని చెప్పాలి. పాన్ ఇండియా రేంజ్ లోనే ఈ సినిమాని సందీప్ రెడ్డి ఆవిష్కరించబోతున్నారని సమాచారం.