ఖాకీని తెగ పొగిడిన టాప్ డైరెక్టర్

కోలీవుడ్ స్టార్ సూర్యకు సోదరుడిగా ఇండస్ట్రీలోకి వచ్చిన కార్తిని.. తెలుగు జనాలు కూడా మెచ్చేశారు. హీరోయిజం కంటే కేరక్టర్స్ కు ఇంపార్టెన్స్ ఇస్తూ ఈ కుర్రాడు చేస్తున్న మూవీస్ అందరినీ ఆకట్టుకుంటున్నాయి. రీసెంట్ గా తీరన్ అధికారం ఒండ్రు అనే చిత్రంలో నటించిన కార్తి.. మంచి సక్సెస్ ను అందుకున్నాడు.

తెలుగులో ఖాకీ టైటిల్ పై వచ్చిన ఈ చిత్రానికి మంచి వసూళ్లు దక్కుతున్నాయి. సినిమాల్లో చాలానే పోలీస్ కథలు వస్తుంటాయి కానీ.. రియాలిటీ మరీ ఇంత దగ్గరగా తీసే చిత్రాలు మాత్రం చాలా అరుదు. అందుకే ఖాకీ చిత్రానికి ఆడియన్స్ నుంచి విపరీతమైన మద్దతు లభిస్తోంది. ఇప్పుడు దేశం గర్వించదగ్గ దర్శకుల్లో ఒకడు.. రజినీకాంత్ తో 2.ఓ చిత్రాన్ని నిర్మిస్తున్న శంకర్ నుంచి.. అనూహ్యంగా కార్తి చిత్రానికి సపోర్ట్ వచ్చింది. రీసెంట్ గా తీరన్ అధికారం ఒండ్రు చిత్రాన్ని చూసిన శంకర్.. ఈ మూవీ యూనిట్ పై ప్రశంసలు కురిపించేశాడు.

'తీరన్ అధికారం.. ఓ టెరిఫిక్ కాప్ మూవీ. రోమాలు నిక్కబొడుచుకునేంత థ్రిల్లింగ్ గా తెరకెక్కించారు. దర్శకుడు వినోద్ పడిన కష్టం.. ఇచ్చిన డీటైలింగ్ అద్భుతం. కార్తీ.. గిబ్రాన్.. డైరెక్టర్ ఆఫ్ ఫోటోగ్రఫీలతో పాటు మొత్తం టీంను అభినందించాలి' అన్నాడు శంకర్. ఇంతటి బడా డైరెక్టర్ నుంచి అనుకోని విధంగా ఇలాంటి ట్వీట్ రావడంతో.. ఇప్పుడు ఖాకీ టీం అంతా తెగ ఖుషీగా ఉన్నారు.