ఆ స్టార్ డైరెక్ట‌ర్ క‌థ‌ను రిజెక్ట్ చేసిన నితిన్‌.. బిగ్ హిట్ మిస్‌!

హిట్లు, ఫ్లాపుల‌తో సంబంధం లేకుండా వ‌రుస సినిమాలు చేస్తూ దూసుకుపోతున్న యంగ్ హీరో నితిన్.. త్వ‌రలోనే `మాచర్ల నియోజకవర్గం`తో ప్రేక్ష‌కుల‌ను ప‌ల‌క‌రించ‌బోతున్నాడు. `చెక్`, `రంగ్ దే`, `మాస్ట్రో` వంటి ఫ్లాప్స్ త‌ర్వాత నితిన్ నుండి వ‌స్తోన్న చిత్ర‌మిది. ఎం.ఎస్‌.రాజశేఖర్‌ రెడ్డి ద‌ర్శ‌క‌త్వం వ‌హించిన ఈ చిత్రంలో కృతి శెట్టి, కేథ‌రిన్ థ్రెసా హీరోయిన్లుగా న‌టించారు. విల‌క్ష‌ణ న‌టుడు స‌ముద్ర ఖ‌ని విల‌న్ గా చేశాడు.

అలాగే ఇందులో తెలుగ‌మ్మాయి అంజ‌లి స్పెష‌ల్ సాంగ్ చేసింది. శ్రేష్ట్ మూవీస్ బ్యానర్‌పై సుధాకర్ రెడ్డి, నిఖిత రెడ్డి నిర్మించిన ఈ సినిమా ఆగ‌స్టు 12న గ్రాండ్ రిలీజ్ కానుంది. పొలిటిక‌ల్ యాక్ష‌న్ ఎంట‌ర్టైన‌ర్ గా రూపుదిద్దుకున్న ఈ చిత్రంలో గుంటూరు కలెక్టర్‌ ఎన్.సిద్దార్థ్ రెడ్డి పాత్ర‌లో నితిన్ అల‌రించ‌బోతున్నాడు.

ఇప్ప‌టికే బ‌య‌ట‌కు వ‌చ్చిన టీజ‌ర్‌, సాంగ్స్‌, ట్రైల‌ర్ సినిమాపై మంచి అంచ‌నాల‌ను క్రియేట్ చేయ‌గా.. మేక‌ర్స్ ప్ర‌చార కార్య‌క్ర‌మాల‌తో మ‌రింత హైప్ పెంచుతున్నారు. ఇందులో భాగంగానే నిన్న హైద‌రాబాద్ లో `మాచర్ల నియోజకవర్గం` ప్రీ రిలీజ్ ఈవెంట్ ను నిర్వ‌హించారు. ఈ కార్య‌క్ర‌మానికి స్టార్ డైరెక్టర్స్‌ సురేందర్ రెడ్డి, హను రాఘవపూడి, మెహర్ రమేష్ అతిథులుగా హాజరయ్యారు.

అయితే ఈ ఈవెంట్ లో డైరెక్ట‌ర్ సురేంద‌ర్ రెడ్డి ఓ ఇంట్ర‌స్టింగ్ విష‌యాన్ని బ‌య‌ట పెట్టారు. ఆయ‌న మాట్లాడుతూ..``నేను ద‌ర్శ‌కుడిగా ప్ర‌యత్నాల్లో ఉన్నప్పుడు నా మొదట కథ చెప్పింది నితిన్ కే. `దిల్` విజయం తర్వాత భయం భయంగా వెళ్లి నితిన్ కి `అతనొక్కడే` కథ వినిపించాను. అప్పుడు మా కాంబినేష‌న్ సెట్ కాలేదు. కానీ, నితిన్ తో భవిష్యత్తులో తప్పకుండా మూవీ చేస్తా`` అంటూ వెల్ల‌డించాడు.

దీంతో నితిన్ పొర‌పాటు చేశాడ‌ని, `అతనొక్కడే` క‌థ‌ను రిజెక్ట్ చేసి బిగ్ హిట్ ను మిస్ అయ్యాడ‌ని అభిమానులు ఫీల్ అవుతున్నారు. నితిన్ నో చెప్పిన త‌ర్వాత సురేంద‌ర్ రెడ్డి నంద‌మూరి క‌ళ్యాణ్ రామ్ తో `అతనొక్కడే` సినిమాను చేశాడు. ఎన్టీఆర్‌ ఆర్ట్స్ బ్యాన‌ర్ పై నిర్మిత‌మైన ఈ చిత్రం 2005లో విడుద‌లై బ్లాక్ బ‌స్ట‌ర్ హిట్ గా నిలిచింది.

ఆ త‌ర్వాత సురేంద‌ర్ రెడ్డి ఎన్టీఆర్‌, మ‌హేశ్ బాబు, అల్లు అర్జున్‌, ర‌వితేజ వంటి స్టార్ హీరోల‌తో వ‌ర్క్ చేసి టాలీవుడ్ లో స్టైలిష్ డైరెక్ట‌ర్ గా త‌న‌కంటూ స్పెష‌ల్ ఇమేజ్ ను క్రియేట్ చేసుకున్నాడు. ప్ర‌స్తుతం ఈయ‌న అఖిల్ అక్కినేనితో `ఏజెంట్‌` అనే మూవీ చేస్తున్నాడు. హై వోల్టేజ్ స్పై థ్రిల్లర్‌గా తెరకెక్కుతున్న ఈ యాక్షన్ ఎంటర్టైనర్ త్వ‌ర‌లోనే పాన్ ఇండియా స్థాయిలో విడుద‌ల కాబోతోంది.