'ఏజెంట్' డైరెక్ట‌ర్ సురేంద‌ర్ రెడ్డికి ఏమైంది!

తొలి తెలుగు స్వాతంత్య్ర స‌మ‌ర‌యోధుడు ఉయ్యాల‌వాడ న‌ర‌సింహారెడ్డి జీవిత క‌థ ఆధారంగా మెగాస్టార్ చిరంజీవితో `సైరా న‌ర‌సింహారెడ్డి` వంటి చారిత్రాత్మ‌క చిత్రాన్నిసురేంద‌ర్ రెడ్డి తెర‌కెక్కించిన విష‌యం తెలిసిందే. భారీ అంచ‌నాల మ‌ధ్య విడుద‌లైన ఈ మూవీ ఆశించిన స్థాయి విజ‌యాన్ని సొంతం చేసుకోలేక‌పోయాడు. దీంతో ఈ మూవీ త‌రువాత అఖిల్ తో చేస్తున్నమూవీతో ఎలాగైనా పాన్ ఇండియా వైడ్ గా భారీ బ్లార్ బ‌స్ట‌ర్ ని ద‌క్కించుకోవాల‌ని విశ్వ‌ప్ర‌య‌త్నాలు చేస్తున్నాడు.

ప్ర‌స్తుతం సురేంద‌ర్ రెడ్డి అక్కినేని అఖిల్ హీరోగా అత్యంత భారీ స్థాయిలో తెర‌కెక్కిస్తున్న స్పై యాక్ష‌న్ థ్రిల్ల‌ర్ `ఏజెంట్‌`. ఏకే ఎంట‌ర్ టైన్ మెంట్స్ బ్యాన‌ర్ పై అనిల్ సుంక‌ర నిర్మిస్తున్న ఈ మూవీకి సంబంధించిన ఏ విషయంలోనూ రాజీ ప‌డ‌కుండా ప్ర‌తీదీ ప్ర‌త్యేకంగా వుండాల‌ని సురేంద‌ర్ రెడ్డి కేర్ తీసుకుంటున్నారు. ఇప్ప‌టికే మూవీ షూటింగ్ పూర్త‌యినా కానీ ప‌ర్ ఫెక్ష‌న్ కోసం మ‌ళ్లీ కీల‌క స‌న్నివేశాల‌ని రీ షూట్ చేస్తున్నార‌నే వార్త‌లు గ‌త కొన్ని రోజులుగా వినిపిస్తున్నాయి.

ఇటీవ‌ల ఈ మూవీని 2023 సంక్రాంతికి రిలీజ్ చేస్తామంటూ ప్ర‌క‌టించిన చిత్ర బృందం, ద‌ర్శ‌కుడు ఇంత వ‌ర‌కు ఎలాంటి అప్ డేట్ ని ఇవ్వ‌క‌పోవ‌డంతో ఈ మూవీ సంక్రాంతికి రిలీజ్ కావ‌డం క‌ష్ట‌మ‌ని క‌న్ఫ‌ర్మ్ అయిపోయింది. ఇదిలా వుంటే ఈ మూవీ టీమ్ స‌డ‌న్ గా ద‌ర్శ‌కుడు సురేంద‌ర్ రెడ్డి ఫోటోని షేర్ చేసింది. ఉడ‌మ కాలుకి బ్యాండేజీతో సురేంద‌ర్ రెడ్డి క‌నిపించ‌డంతో ఏమైందంటూ అంతా ఒక్కసారిగా షాక్ కు గుర‌య్యారు.

షూటింగ్ లో పాల్గొంటున్న పాల్గొంటున్న సురేంద‌ర్ రెడ్డి ప్ర‌మాదానికి గుర‌య్యార‌ట‌. హై వోల్టోజ్ యాక్ష‌న్ డ్రామాగా తెర‌కెక్కుతున్న ఈ మూవీలో యాక్ష‌న్ సీన్స్ ప్ర‌ధాన హైలైట్ గా నిల‌వ‌నున్నాయ‌ట‌. తాజాగా ఓ ఫైట్ సీన్ ని సురేంద‌ర్ రెడ్డి వివ‌రిస్తున్న సంద‌ర్భంగా ప్ర‌మాదం జ‌ర‌గ‌డంతో ఆయ‌న ఎడ‌మ కాలికి గాయ‌మైంద‌ని చిత్ర బృందం వెల్ల‌డించింది. ప్ర‌మాదం జ‌రిగిన వెంట‌నే సురేంద‌ర్ రెడ్డిని హాస్పిట‌ల్ కు చిత్ర బృందం త‌రలించి ట్రీట్మెంట్ చేయించారు. కాలుకి ప‌ట్టి క‌ట్టించుకున్న త‌రువాత వీల్ చైర్ లో సురేంద‌ర్ రెడ్డి డైరెక్ట్ గా లొకేష‌న్ కే రావ‌డం ప‌లువురిని ఆశ్చ‌ర్య‌ప‌రుస్తోంది.

సురేంద‌ర్ రెడ్డి వీల్ చైర్ లో కాలి గాయంతో సెట్ లో వున్న ఫొటోలు ప్ర‌స్తుతం నెట్టింట వైర‌ల్ గా మారాయి. యాక్ష‌న్ స్పై థ్రిల్ల‌ర్ గా రూపొందుతున్న ఈ మూవీలోని కీల‌క అతిథి పాత్ర‌లో మాల‌మాళ మెగాస్టార్ మ‌మ్ముట్టి న‌టిస్తున్నారు. ఇటీవ‌ల మ‌మ్ముట్టికి సంబంధించిన లుక్ ని కూడా రిలీజ్ చేసిన చిత్ర బృందం ఈ మూవీని ఈ ఏడాది స‌మ్మ‌ర్ కు రిలీజ్ చేయ‌బోతున్నారు.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.