సత్యం డైరక్టర్ మళ్ళొస్తుండబ్బా!!

అప్పుడెప్పుడో 'సత్యం' అనే సినిమాతో ఒక హిట్టు కొట్టాడు డైరక్టర్ సూర్య కిరణ్. ఆ తరువాత మనోడు బ్రహ్మాస్ర్తం.. ధన 51.. రాజు భాయ్.. అంటూ చాలా సినిమాలు చేశాడు కాని అన్నీ ఫ్లాపులే. ఈలోపు హీరోయిన్ కళ్యాణిని పెళ్ళి చేసుకుని చక్కగా సెటిల్ అయ్యాడులే అనుకుంటే.. ఈ ఫ్లాపుల కారణంగా అసలు ఇండస్ర్టీలో కనిపించకుండా పోయాడు. ఇప్పుడు తిరిగి ఒక్క ఛాన్స్ రావడంతో.. అదృష్టం పరీక్షించుకుంటున్నాడు.

'రాజు గారి గది' సినిమాలో విలన్ గా చేసిన చేతన్ అనే కుర్రాడు ఉన్నాడు చూడండి.. ఇప్పుడు అతడ్ని హీరోగా పెట్టి సూర్య కిరణ్‌ ఒక సినిమా చేస్తున్నాడు. ఈ సినిమాలో హీరోయిన్ ఎవరూ అనే విషయం ఇంకా ఫైనల్ కాలేదు కాని.. కాస్త గట్టి బడ్జెట్ తోనే సూర్య కిరణ్‌ ఈ సినిమాను తెరకెక్కిస్తున్నట్లు తెలుస్తోంది. కాని గతంలో చేసినట్లు మనోడు పాకెట్లో డబ్బులు పెట్టకుండా ఈసారి ఒక కొత్త ప్రొడ్యూసర్ బ్యానర్ పై ఈ సినిమాను చేస్తున్నాడు. ఒకేసారి తెలుగు.. తమిళం.. కన్నడలో రూపొందుతున్న ఈ సినిమాకు సాయి కార్తీక్ మ్యూజిక్ అందిస్తున్నాడట.

ఏదేమైనా కూడా ఇలా చాలామంది టాలెంటెడ్ డైరక్టర్స్ ఒక్క సినిమాతో వావ్ అనిపించుకుని.. తరువాత ఔట్ డేటెడ్ అయిపోతున్నారు. మరి సూర్య కిరణ్‌ మరోసారి తన సత్తా ప్రూవ్ చేసుకుంటాడేమో చూద్దాం.

Like Us on Facebook : https://www.facebook.com/Tupakidotcom/