పవన్ తో నేషనల్ అవార్డ్ విన్నింగ్ సినిమాని ప్లాన్ చేస్తున్నాడా..?

'మహర్షి' సినిమాతో బ్లాక్ బస్టర్ హిట్ అందుకున్న డైరెక్టర్ వంశీ పైడిపల్లి తదుపరి ప్రాజెక్ట్ పై ఇంతవరకు క్లారిటీ రాలేదు. అప్పట్లో సూపర్ మహేష్ బాబుతో వెంటనే మరో సినిమా స్టార్ట్ చేయనున్నాడని వార్తలు వచ్చాయి కానీ వర్కౌట్ కాలేదు. ఇది జరిగి రెండేళ్లవుతున్నా వంశీ మాత్రం తన నెక్స్ట్ ప్రాజెక్ట్ ని పట్టాలెక్కించలేకపోయారు. మరోవైపు టాలీవుడ్ స్టార్ డైరెక్టర్స్ అందరూ వరుస సినిమాలు చేస్తున్న తరుణంలో వంశీ పైడిపల్లి సినిమా ఏంటనేది ఆసక్తికరంగా మారింది. ఈ నేపథ్యంలో పవర్ స్టార్ పవన్ కళ్యాణ్ తో వంశీ ఓ ప్రాజెక్ట్ కోసం చర్చలు జరుపుతున్నారనేది ఇప్పుడు ఇండస్ట్రీ వర్గాల్లో హాట్ టాపిక్ గా మారింది.

వంశీ పైడిపల్లి ప్రస్తుతం పవన్ కళ్యాణ్ కోసం ఓ స్క్రిప్ట్ ని పూర్తి చేసే పనిలో ఉన్నాడని టాక్ వినిపిస్తోంది. ఇప్పటికే పవన్ ని కలిసిన వంశీ ఓ స్టోరీ లైన్ చెప్పారని.. త్వరలోనే ఆయనకు పూర్తి స్క్రిప్ట్ వినిపిస్తారని అనుకుంటున్నారు. పవన్ పొలిటికల్ ఇమేజ్ ని దృష్టిలో పెట్టుకొని వంశీ పైడిపల్లి మంచి సోషల్ మెసేజ్ ఉండేలా ఈ స్టోరీని రెడీ చేస్తున్నారట. మహేష్ తో 'మహర్షి' వంటి నేషనల్ అవార్డ్ విన్నింగ్ సినిమా తీసిన వంశీ.. ఈసారి పవన్ కు అలాంటి సినిమానే ప్లాన్ చేస్తున్నాడని ఫిల్మ్ సర్కిల్స్ లో టాక్ నడుస్తోంది. పవన్ తో 'వకీల్ సాబ్' సినిమా చేసిన దిల్ రాజు ట్తన బ్యానర్ లో వంశీ ప్రాజెక్ట్ ని సెట్ చేస్తున్నారట. ఇందులో నిజానిజాలు తెలియాలంటే ఇంకొన్నాళ్లు ఆగాల్సిందే.