నాగ్ డైరెక్టర్ తో సుడిగాలి సుధీర్?

కమెడియన్స్ హీరోలుగా మారిన సందర్భాలు చాలానే ఉన్నాయి. కానీ అలా నిలదొక్కుకున్న వారి సంఖ్య మాత్రం తక్కువగానే ఉంటుంది. టెలివిజన్ రంగంలో కమీడియన్ గా మంచి క్రేజ్ అందుకున్న సుడిగాలి సుధీర్ ఆ తరువాత నటుడుగా కొనసాగిన విషయం తెలిసిందే. అతను ఇటీవల హీరోగా చేసిన గాలోడు సినిమా కంటెంట్ పరంగా రొటీన్ గానే ఉన్నప్పటికీ కమర్షియల్ గా బాక్సాఫీస్ వద్ద మంచి కలెక్షన్స్ అందుకుంది.

పెట్టిన పెట్టుబడికి నిర్మాతలకు ఫేబుల్ ప్రాఫిట్ అందించింది. దీంతో ఇప్పుడు కొంతమంది చిన్న నిర్మాతలు సుడిగాలి సుదీర్ తో సినిమాలు చేసేందుకు ఎగబడుతున్నారు. అయితే మనోడు మాత్రం తొందరపడకుండా మంచి నమ్మకమైన ప్రాజెక్టులను సెలెక్ట్ చేసుకోవాలని అనుకుంటున్నాడు. ముందుగా నిర్మాతల నుంచి అడ్వాన్స్ తీసుకోకుండా కథ ఫైనల్ అయిన తర్వాతనే అగ్రిమెంట్ పై సంతకం కూడా చేస్తున్నాడట.

ఇక రీసెంట్ గా మాత్రం ఒక సీనియర్ రైటర్, దర్శకుడు సుడిగాలి సుదీర్ ను కలిసినట్లుగా తెలుస్తోంది. వర్షం, నువ్వోస్తానంటే.. నేనొద్దంటానా.. అనే సినిమాలతో రచయితగా మంచి గుర్తింపును అందుకున్న వీరుపోట్ల ఆ తర్వాత బిందాస్, నాగార్జున రగడ వంటి సినిమాలతో కూడా మంచి దర్శకుడుగా గుర్తింపును అందుకున్నాడు. అయితే ఆ రెండు సినిమాల తరువాత అతను చేసిన మరో రెండు సినిమాలు దూసుకెళ్తా, ఈడు గోల్డ్ ఎహే పెద్దగా ఆడలేదు.

ఇక తర్వాత మళ్లీ అక్కినేని హీరోలతోనే ఆ దర్శకుడు సినిమా చేసే ఛాన్స్ ఉన్నట్లు టాక్ వచ్చింది కానీ ఏ ప్రాజెక్టు అయితే ఫైనల్ కాలేదు. కానీ ఇప్పుడు సుధీర్ కామెడీ టైమింగ్ తోనే కాకుండా మాస్ హీరోగా కూడా గాలోడు సినిమాతో ఓ వర్గం ప్రేక్షకులను బాగానే ఆకట్టుకున్నాడు.

దీంతో వీరుపోట్ల అతనితో సినిమా చేసే అవకాశం ఉన్నట్లుగా తెలుస్తోంది. ఒక కథ గురించి కూడా మీరు మధ్య చర్చలు జరిగినట్లు సమాచారం. ఈ విషయంలో ఇంకా అధికారికంగా ఎలాంటి క్లారిటీ అయితే రాలేదు. ప్రస్తుతం అయితే చర్చలు జరుగుతున్నట్లు తెలుస్తోంది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.