'వకీల్ సాబ్'లో ఆ హీరోయిన్ కన్ఫర్మ్..!

టాలీవుడ్ ఓ మై ఫ్రెండ్ - ఎంసిఏ సినిమాల డైరెక్టర్ వేణు శ్రీరామ్ ప్రస్తుతం వకీల్ సాబ్ సినిమా గురించి అనేక విషయాలను పంచుకున్నాడు. వేణు శ్రీరామ్ నిర్మాత్ దిల్ రాజు కాంపౌండ్‌ లో పెరిగిన దర్శకుడు. ఆ కాంపౌండ్‌ లోని డైరెక్టర్స్ ఫెయిలైనా సరే దిల్ రాజు అవకాశం ఇస్తూనే ఉంటాడు. అందుకే ఓ మై ఫ్రెండ్ ఫ్లాప్ అయినా.. ఎంసీఏ చిత్రానికి అవకాశం ఇచ్చాడు. ఆ కాన్ఫిడెన్స్‌ తోనే వకీల్ సాబ్ బాధ్యతలను చేపట్టాడు వేణు. వకీల్ సాబ్ సినిమా రెండున్నర గంటల నిడివి ఉంటుందని తెలిపాడు. అందులో రెండు గంటలకు సంబంధించిన షూటింగ్ పూర్తయిందని పేర్కొన్నాడు. ఇక హీరోయిన్ పార్ట్ మాత్రమే మిగిలి ఉందని చెప్పాడు.

కరోనా రావడం - లాక్ డౌన్ విధించడంతో అంతా తారుమారైందని తెలిపాడు. ఒకసారి పరిస్థితులు చక్కబడ్డాక శ్రుతీ హాసన్ డేట్స్ మళ్లీ అడ్జస్ట్ చేసుకుని మిగిలిన సీన్స్‌ ను తెరకెక్కిస్తామని పేర్కొన్నాడు. ఈ విషయంలో దిల్ రాజు చొరవ తీసుకుంటున్నాడని చెప్పుకొచ్చాడు. ఇక నిర్మాత దిల్ రాజు మాట్లాడుతూ.. ఈ సినిమాలో హీరోయిన్ శృతిహాసన్ పార్టు మిగిలి ఉంది. ఆమె గురించి వస్తున్న వార్తలేవి వాస్తవం కాదు. ఈ సినిమాలో శృతి హీరోయిన్ గానే చేస్తుంది. ఒక చిన్న పాత్రలో కాదు. ఒకసారి లాక్ డౌన్ ముగియగానే ఆమెతో షూటింగ్ పూర్తి చేస్తామని తెలిపాడు. ఇక ఈ సినిమా షూటింగ్ ఇప్పటికే 80 శాతం పూర్తయిందని క్లారిటీ ఇచ్చాడు. పవర్ స్టార్ అభిమానులు ఏం టెన్షన్ తీసుకోవద్దని.. తన అభిప్రాయాన్ని బయటపెట్టాడు.