డర్టీ భామ హాటీ లుక్స్ పై సస్పెన్స్

విద్యాబాలన్ ఓ మూవీ చేస్తోందని అంటేనే.. ఆ సబ్జెక్ట్ పై క్యూరియాసిటీ పెరిగే స్థాయికి చేరుకుంది ఈ హీరోయిన్. పెళ్లయిన తర్వాత కూడా యాక్టింగ్ చేస్తూ కెరీర్ కంటిన్యూ చేస్తున్న ఈ బ్యూటీకి.. డర్టీ పిక్చర్ మూవీ పెద్ద టర్నింగ్ పాయింట్ అనాల్సిందే. అంతకుముందే అమ్మడి ఖాతాలో హిట్స్ ఉన్నా.. ఆ మూవీ తర్వాత సినిమాలను సింగిల్ హ్యాండ్ తో లీడ్ చేసేయగల సత్తా అలవడింది.

ప్రస్తుతం బేగమ్ జాన్ అనే మూవీలో నటిస్తోంది ఈ సీనియర్ బ్యూటీ. ఇందులో కూడా డిఫరెంట్ రోల్ నే పోషిస్తోంది. ఓ బ్రోతల్ హౌస్ నిర్వాహకురాలిగా కనిపించనుంది విద్యాబాలన్. మరి వేశ్యాగృహం అంటే ఇలా ఉంటుంది అనే విషయంలో మన సినీ ప్రేక్షకుల దగ్గర ఓ క్లియర్ పిక్చర్ ఉంది. అందులోనూ బ్రోతల్ హౌస్ నిర్వహణ అంటే.. ఆ రోల్ గ్యారంటీగా ముదురు అందాలను ఆరబోసేలా ఉంటుందని భావించడం కూడా సహజం. ఇదే విషయంపై విద్యాబాలన్ కు ప్రశ్న ఎదురైంది. బేగమ్ జాన్ లో కూడా అందాల విందు చేయబోతోన్నారా అని అడిగితే.. 'ఏదైనా అడగండి.. ఆ ఒక్కటి తప్ప. ప్రస్తుతానికి అది మాత్రం సస్పెన్స్' అంటూ మాట దాటేస్తోంది.

పైకి చెప్పకపోయినా.. బ్రోతల్ హౌస్ నిర్వాహకురాలిగా విద్యా బాలన్ రెచ్చిపోయి యాక్ట్ చేసిందని టాక్. మరి మరోసారి డర్టీ పిక్చర్ చూపిస్తుందో.. కొత్త కహానీ వినిపిస్తుందో చూడాలి.