సర్కారు వారు ఆ విషయంలో మహేష్ ఫ్యాన్స్ ను నిరాశ పరిచినట్లే..!

సూపర్‌ స్టార్ మహేష్ బాబు నటిస్తున్న లేటెస్ట్ మూవీ ''సర్కారు వారి పాట''. పరశురామ్ పెట్లా ఈ యాక్షన్ ఎంటర్టైనర్ ని తెరకెక్కిస్తున్నారు. ఈ మధ్య అన్నీ క్లాస్ రోల్స్ చేస్తున్న మహేష్.. ఈసారి వింటేజ్ లుక్ లో కనిపించనున్నట్లు ప్రీ లుక్ మోషన్ పోస్టర్ తో హింట్ ఇచ్చారు. చెవికి రింగు - మెడ మీద రూపాయి కాయిన్ టాటూతో మహేష్ అదరగొట్టాడు. అయితే ఈ చిత్రంలో ఓ స్పెషల్ సాంగ్ ఉంటే బాగుంటుందని అభిమానులు అంటున్నారు. 'ఆగడు' తర్వాత మహేష్ సినిమలలో ఐటమ్ సాంగ్స్ అనేవి లేవు కాబట్టి 'సర్కారు వారి..' లో ఖచ్చితంగా ఉంటుందని గట్టిగా ఫిక్స్ అయ్యారు. అయితే నటి స్వప్నిక ఇన్స్టాగ్రామ్ లో వెల్లడించిన విషయాన్ని బట్టి చూస్తే ఇందులో ఐటమ్ సాంగ్ లేదని అర్థం అవుతోంది.

'సర్కారు వారి పాట' సినిమాకి స్వప్నిక అసిస్టెంట్ డైరెక్టర్ గా వర్క్ చేస్తోంది. తాజాగా ఇన్స్టాగ్రామ్ చిట్ చాట్ లో ఓ నెటిజన్ 'SVP లో ఐటమ్ సాంగ్ ఉందా?' అని ప్రశ్నించగా.. 'నాకు తెలిసి అయితే లేదు' అని స్వప్నిక సమాధానం ఇచ్చింది. దీనిని బట్టి చూస్తే మహేష్ - పరశురామ్ సినిమాలో స్పెషల్ సాంగ్ లేదని తెలుస్తోంది. ఇదే కనుక నిజమైతే ప్రత్యేక గీతం విషయంలో మహేష్ ఫ్యాన్స్ కు నిరాశ తప్పదని చెప్పవచ్చు. ఇకపోతే కరోనా వ్యాప్తి కారణంగా ఇటీవల ప్రారంభమైన రెండో షెడ్యూల్ షూటింగ్‌ వాయిదా వేసినట్లు తెలుస్తోంది. ఈ సినిమాలో మహేశ్ సరసన కీర్తి సురేష్ హీరోయిన్ గా నటిస్తోంది. థమన్ సంగీతం సమకూరుస్తుండగా.. మధే సినిమాటోగ్రాఫర్ గా వ్యవహరిస్తున్నారు. జీఎంబీ ఎంటర్‌టైన్‌మెంట్ - 14 రీల్స్ ప్లస్ - మైత్రీ మూవీ మేకర్స్ సంస్థలు కలిసి నిర్మిస్తున్న ఈ చిత్రాన్ని 2022 సంక్రాంతికి విడుదల చేయనున్నారు.