ప్రభాస్ ఫ్యాన్స్ లో నిరాశ.. ఎందుకంటే??

పాన్ ఇండియా స్టార్ ప్రభాస్ ఈ ఏడాది రాధేశ్యామ్ సినిమాతో ప్రేక్షకుల ముందుకు రాబోతున్నాడని దేశవ్యాప్తంగా సినీజనాలు ఎదురు చూస్తున్నారు. ఇప్పటికే షూటింగ్ పూర్తి చేసుకున్నటువంటి రాధేశ్యామ్ సినిమాలో మరో చిన్న షెడ్యూల్ మిగిలి ఉందట. పది రోజులపాటు సాగనున్న ఈ షెడ్యూల్లో ప్రభాస్ పాల్గొనేందుకు రెడీ అయిపోయాడట. ప్రస్తుతం ప్రభాస్ చేతిలో అన్ని పాన్ ఇండియా సినిమాలే ఉండటం విశేషం. అయితే తాజాగా రాధేశ్యామ్ స్మాల్ షెడ్యూల్ అనేసరికి ఫ్యాన్స్ అంతా ఇంకా సినిమా పూర్తి కాలేదా అంటూ నిరుత్సాహపడుతున్నారు. ఎందుకంటే కేవలం రిలీజ్ మాత్రమే మిగిలి ఉందని ఫ్యాన్స్ ఎక్సపెక్ట్ చేస్తున్నారు. కానీ ఇప్పుడు ఇంకా షెడ్యూల్ షూటింగ్ ఉందంటే.. అంటూ ఆలోచనలో పడుతున్నారు.

మరి ఆ షెడ్యూల్ ఎప్పుడనేది తెలియదు కానీ రాధేశ్యామ్ మాత్రం పీరియడిక్ లవ్ డ్రామా అనేది అయితే గ్లింప్స్ చూస్తే ఈజీగా అర్ధమవుతుంది. అలాగే మరి 1970ల కాలంనాటి ఈ సినిమాలో ప్రభాస్ విక్రమాదిత్య పాత్రలో కనిపించనున్నాడు. ఈ సినిమాలో పూజాహెగ్డే హీరోయిన్ ప్రేరణ పాత్రలో నటిస్తోంది. అయితే జులై 30న రాధేశ్యామ్ మూవీని ప్రపంచవ్యాప్తంగా విడుదల చేస్తామని మేకర్స్ ప్రకటించారు. కానీ పరిస్థితి చూస్తుంటే ఈ సినిమా అనుకున్న సమయానికి వస్తుందా లేదా అనేది తెలియట్లేదు. ప్రస్తుతం రాధేశ్యామ్ పోస్ట్ ప్రొడక్షన్ వర్క్స్ కూడా ముగుస్తున్నాయట. ఈ సినిమాను రాధాకృష్ణకుమార్ తెరకెక్కించగా.. యూవి క్రియేషన్స్ బ్యానర్ వారు భారీ బడ్జెట్ తో నిర్మిస్తున్నారు. ప్రస్తుతం రాధేశ్యామ్ మ్యూజిక్ పై కూడా చర్చలు జరుగుతున్నాయి. అయితే ప్రభాస్ ఇప్పుడు సలార్, ఆదిపురుష్ సినిమాలు చేస్తున్నాడు.