తమిళ ప్రేక్షకులకూ షాకులే..

ఈ శుక్రవారం సినిమాలకు ఏమాత్రం కలిసొస్తున్నట్లుగా లేదు. తెలుగులో ‘దువ్వాడ జగన్నాథం’ బ్యాడ్ టాక్ తో మొదలైతే.. దేశంలోని మిగతా రెండు ప్రముఖ సినీ పరిశ్రమలకూ చేదు అనుభవాలే మిగిలాయి. హిందీలో భారీ అంచనాల మధ్య విడుదలైన సల్మాన్ ఖాన్ సినిమా ‘ట్యూబ్ లైట్’ నెగెటివ్ టాక్ తెచ్చుకుంది. ఈ సినిమా వసూళ్లు కూడా ఆశాజనకంగా లేవు. గత కొన్నేళ్లలో సల్మాన్ చేసిన సినిమాల్లో ఇదే అత్యల్ప వసూళ్లు నమోదు చేస్తుందని భావిస్తున్నారు. తెలుగు.. హిందీ సినిమాల సంగతలా ఉంటే.. తమిళంలో ఈ వారాంతంలో విడుదలైన రెండు సినిమాలు కూడా నిరాశనే మిగిల్చాయి. అక్కడ ఈ వీకెండ్లో రెండు భారీ సినిమాలొచ్చాయి.

శింబు నటించిన ‘ఏఏఏ’ అతడి అభిమానుల్ని పూర్తిగా నిరాశ పరిచింది. శింబు త్రిపాత్రాభినయం చేయడంతో ఈ సినిమాపై విపరీతమైన ఆసక్తి నెలకొంది. ఐతే ఊరికే బిల్డప్ తప్ప సినిమాలో ఏమీ లేదని క్రిటిక్స్ తేల్చేశారు. ప్రేక్షకుల నుంచి కూడా నెగెటివ్ టాక్ వినిపిస్తోంది. తమన్నా ఖాతాలో ఇది మరో ఫ్లాప్ అంటున్నారు. మరోవైపు జయం రవి హీరోగా.. ‘అఖిల్’ భామ సాయేషా హీరోయిన్ గా ఎ.ఎల్.విజయ్ రూపొందించిన ‘వనమగన్’ పరిస్థితి ‘ఏఏఏ’తో పోలిస్తే కొంచెం బెటరే కానీ.. అది కూడా హిట్టయ్యే అవకాశాలు కనిపించట్లేదు. దీనికి యావరేజ్ టాక్ వచ్చింది. వసూళ్లు ఓ మోస్తరుగా ఉన్నాయంతే. హాలీవుడ్ టార్జాన్ మూవీస్ తరహాలో తెరకెక్కిన ఈ సినిమాలో బిగువు లేదని అంటున్నారు. తెలుగులో ‘అఖిల్’తో.. హిందీలో ‘శివాయ్’తో చేదు అనుభవాల్ని ఎదుర్కొన్న సాయేషాకు తమిళంలో కూడా నిరాశ తప్పేలా లేదు.

Like Us on Facebook : https://www.facebook.com/Tupakidotcom/