డిస్కో మోజుపై మరో పాట

సినిమా విడుదల కంటే ముందు మనకు ఆ సినిమా పాటలు వినపడతాయి. సినిమాలో ప్రతి పాట ఆ సినిమాలో ఉండే కథకు సంబంధించినవి అయి ఉండవచ్చు లేక కొన్ని కేవలం ప్రేక్షకులు వినోదం కోసమే అయి ఉండవచ్చు. అలా కథ తో సంబంధం లేని పాటలు కొని సూపర్ హిట్ అయ్యినవి ఉన్నాయి. హింది సినిమా పాటలు అంటే దేశం మొత్తం ఒక క్రేజ్ ఉందనే చెప్పాలి. హింది ఫిల్మ్ మేకర్స కూడా ఆ క్రేజ్ తగ్గట్లుగానే వాళ్ళ పాటలు చిత్రీకరిస్తారు. ఆ పాటకు తగ్గ డాన్స్ తో మరింత హిట్ చేయడానికి పూర్తి ప్రయత్నాలు చేస్తారు.

ఇప్పుడు కూడా ‘ఏ జెంటిల్ మాన్’ సినిమాలో ఒక పాటను విడుదల చేశారు. 80వ దశకంలో ఉన్న డిస్కో పాట తరహాలో మెరిసే కాస్ట్యూమ్స్ తో అందరిని ఆహ్లాదపరిచే స్టెప్పులతో చూసే వారి దృష్టిని వెంటనే ఆకర్షిస్తాయి ఈ తరహా పాటలు. అప్పటి డిస్కో సెట్ కి ఇప్పుడు నడుస్తున్న డాన్స్ ఎనర్జికి జత చేసి సిద్దార్ద్ మల్హోత్రా మరియు శ్రీలంకన్ సోయగం జాక్విలిన్ అదరగొటేశారు. ఈ పాటలో జాక్విలిన్ తన డాన్స్ తో హాట్ లుక్కుతో పాటకు మరింత వినోదాన్ని దారబోసింది. సిద్దార్ద్ కూడా ఆమెతో పోటీపడుతూ సెక్సీ గా కనిపించాడు. బిగ్ బాటమ్ ఫాంట్స్ వైట్ ఫ్యాన్సి జాకెట్ వేసుకొని ఇద్దరు చిందులు సినిమా పై మరింత ఆసక్తిని పెంచేలా చేసింది.

బాలీవుడ్ లో పాటలు ఎన్ని ఉన్న డిస్కో పాటలు అంటే హింది సినిమా వాళ్ళకి ఒక రకమైన మోజు ఉందనే చెప్పవచ్చు. అలాంటి పార్టీ సాంగ్స్ కూడా బాగానే ప్రేక్షక ఆదరణ పొందాయి. ఇప్పుడు మళ్ళీ ఈ కొత్త జోడీ డిస్కో డాన్స్ చేసి ఆ మోజును మరింత బలపరిచారు. బెన్ని డయల్ మరియు శిర్లే సెటియా పాడిన ఈ డిస్కో పాట ఇప్పుడు బాలీవుడ్ లో కొత్త పార్టీ సాంగ్ గా మారిపోతుందేమో చూడాలి. ఏ జెంటల్ మాన్ సినిమా ఆగష్టు నెలలో విడుదల చేసే అవకాశం ఉంది.