'డిస్కోరాజా' ప్రీ రిలీజ్‌ బిజినెస్‌ లెక్కలు

రవితేజ హీరోగా విలక్షణ చిత్రాల దర్శకుడు విఐ ఆనంద్‌ దర్శకత్వంలో రూపొందిన చిత్రం 'డిస్కోరాజా'. ఈ చిత్రం సెన్సార్‌ కార్యక్రమాలు కూడా పూర్తి చేసుకుని ఈ వారంలోనే అంటే ఈనెల 24న ప్రేక్షకుల ముందుకు వచ్చేందుకు సిద్దం అయ్యింది. గత కొన్నాళ్లుగా రవితేజ వరుస పరాజయాలను చవిచూస్తూనే ఉన్నాడు.

రాజా ది గ్రేట్‌ చిత్రం తర్వాత వరుసగా రవితేజకు ఫ్లాప్‌ లే పడ్డాయి. అంతకు ముందు కూడా పలు సినిమాలు ఫ్లాప్‌ లు పడ్డాయి. దాంతో రవితేజ సినిమా అంటే బయ్యర్లు కాస్త వెనుకంజ వేస్తున్నట్లుగా వార్తలు వచ్చాయి. కాని డిస్కోరాజా ప్రీ రిలీజ్‌ బిజినెస్‌ ఆ వార్తలను కొట్టి పారేసే విధంగా ఉన్నాయి. అన్ని ఏరియాల్లో కలిపి ఈ చిత్రంకు దాదాపుగా 22 కోట్ల వరకు అయినట్లుగా ట్రేడ్‌ వర్గాల ద్వారా సమాచారం అందుతోంది.

ఏరియాల వారిగా ఈ చిత్రం ప్రీ రిలీజ్‌ బిజినెస్‌ వివరాలు (సోషల్‌ మీడియా ఆధారంగా దాదాపు నెంబర్స్‌ ఇవి)

నైజాం : 6 కోట్లు
వైజాగ్‌ : 2 కోట్లు
ఈస్ట్‌ గోదావరి : 1.2 కోట్లు
వెస్ట్‌ గోదావరి : 1 కోటి
కృష్ణ : 1.25 కోట్లు
గుంటూరు : 1.5 కోట్లు
నెల్లూరు : 75 లక్షలు
సీడెడ్‌ : 2.65 కోట్లు
కర్ణాటక : 1 కోటి
ఓవర్సీస్‌ : 1.5 కోట్లు
ఇతరం : 3 కోట్లు

మొత్తం : 22 కోట్లు