బ‌న్ని డ్యాన్సుల‌కు వీరాభిమానిని అన్న దిశా

నేడు అంత‌ర్జాతీయ నృత్య దినోత్స‌వం సంద‌ర్భంగా సోష‌ల్ మీడియాల్లో చాలామంది తార‌లు త‌మ డ్యాన్సులకు సంబంధించిన వీడియోల్ని షేర్ చేశారు. కొంద‌రు త‌మ ఫేవ‌రెట్ డ్యాన్సింగ్ స్టార్ల‌ను గుర్తు చేసుకుని ఎమోష‌న్ కి గుర‌య్యారు. లోఫ‌ర్ బ్యూటీ దిశా ప‌టానీ తాజాగా ఓ చిట్ చాట్ లో బ‌న్ని డ్యాన్సుల‌పై త‌న అభిమానాన్ని చాటుకున్నారు.

దిశా ఇండ‌స్ట్రీ బెస్ట్ డ్యాన్స‌ర్ గా మైమ‌రిపిస్తోంది. తనవైన‌ కిల్లర్ డ్యాన్స్ కదలికలతో ప్రేక్షకులను ఎప్పుడూ ఆశ్చర్యపరుస్తూనే ఉంది. రాధే-యువర్ మోస్ట్ వాంటెడ్ భాయ్ చిత్రం లో సల్మాన్ ఖాన్ తో కలిసి `సీటీ మార్` పాటలో మంత్రముగ్దులను చేసే స్టెప్పుల‌తో అద‌ర‌గొట్టింది. ఈ రోజు అంతర్జాతీయ నృత్య దినోత్సవం సందర్భంగా బ‌న్ని.. హృతిక్ లపై త‌న అభిమానం చాటుకుంది.

నేను హృతిక్ పేరు పెట్ట‌లేని(మ‌చ్చ లేని) నృత్యాల‌కు.. అల్లు అర్జున్ అద్భుతమైన కదలికలకు అభిమానిని అని దిశా ప‌టానీ అన్నారు. అల్లు అర్జున్ -పూజా హెగ్డే ఇంత‌కుముందు సీటీమార్ కు డ్యాన్స్ చేశారు. ఇప్పుడు అదే పాట‌లో దిశా స్టెప్పులేయ‌డాన్ని ఒక అద్భుతంగా వ‌ర్ణిస్తోంది. ఇంత‌కుముందు అల వైకుంఠ‌పుర‌ములో చిత్రంలోని పాట‌ల్లో `బుట్ట‌బొమ్మ‌`ను అంతే ఇష్ట‌ప‌డ్డాన‌ని దిశా తెలిపారు.

అలాగే బ‌న్ని న‌టిస్తున్న `పుష్ప` చిత్రంలో స్పెష‌ల్ నంబర్ కోసం త‌న‌ తో క‌లిసి స్టెప్పులేయ‌నున్నాన‌ని తెలిపింది. నేను బన్ని న‌ట‌న డ్యాన్సుల‌కు వీరాభిమానిని. అతను అద్భుతమైన డ్యాన్స‌ర్‌. త‌న‌తో స్క్రీన్ స్థలాన్ని పంచుకోవడం గొప్ప అవకాశంగా భావిస్తాను అని దిశా అన్నారు. తెరపై హృతిక్ రోషన్- అల్లు అర్జున్ లతో కలిసి డ్యాన్స్ చేయడానికి చాలా ఆసక్తిగా ఉన్నాన‌ని దిశా చెప్పారు.