దేశీ భామలతో జాకీచాన్ స్టెప్పులేస్తే

చైనా సూపర్ స్టార్ అయిన జాకీచాన్.. హాలీవుడ్ లోనూ ఫుల్లు క్రేజ్ ఉన్న స్టార్. ఆయనతో సినిమా చేసే అవకాశం రావడం అంటే.. ఏ హీరోయిన్ కి అయినా లైఫ్ టైం అఛీవ్మెంట్ కిందే లెక్క. అలాంటి అరుదైన అవకాశాన్ని అనతి కాలంలోనే దక్కించుకున్న ఇద్దరు దేశీయ అందాల భామలు. లోఫర్ ఫేమ్ దిశా పటాని..అనేకుడు ఫేమ్ అమైరా దస్తూర్ లు జాకీచాన్ తో కలిసి చైనీస్ అండ్ హిందీ మూవీగా వస్తున్న కుంగ్ ఫు యోగాలో నటిస్తున్నారు.

జాకీచాన్ తో నటిస్తూ.. ఇండియన్ బ్యూటీస్ గానే నటించే అరుదైన అవకాశం వీరికి దక్కింది. అయితే బాలీవుడ్ మూవీస్ స్టైల్ లో.. పాటలు స్టెప్పులు కూడా ఈ సినిమాలో ఉంటాయట. ఇందుకు సంబంధించిన ఓ స్టిల్ ఇప్పుడు ఆన్ లైన్ లో చక్కర్లు కొట్టేస్తోంది. అమైరా దస్తూర్.. దిశా పటానీలతో కలిసి జాకీ చాన్ స్టెప్పులేసేస్తున్నాడు. ఈ హాలీవుడ్ హీరో కూడా.. ఇండియన్ ట్రెడిషనల్ గెటప్ లోనే షేర్వాణీ వేసుకుని కనిపిస్తుండడం విశేషం.

ఇక అందాల భామలైతే గ్లామర్ డోస్ ఏ మాత్రం తగ్గించడం లేదు. పైగా జాకీచాన్ లాంటి యాక్షన్ హీరో పక్కనుంటే.. ఆ ఉత్సాహం డ్యాన్స్ లో జోష్ మామూలుగా ఉంటాయా.. అన్నీ ఇద్దరి కళ్లలోనే కనిపించేస్తున్నాయి. ఇది ప్రివ్యూ పోస్టరే అయినా.. ఆన్ లైన్ లో ట్రెండింగ్ అయిపోతోంది.



Like Us on Facebook : https://www.facebook.com/Tupakidotcom/