కొత్త ప్రియుడితో పార్టీల్లో దిశా సంద‌డే సంద‌డి

కొత్తొక వింత‌... పాతొక రోత‌! అన్నారు. పాత స్నేహితుడికి టాటా చెప్పి కొత్త స్నేహితుడితో షికార్లు చేస్తూ ఇటీవ‌ల మీడియా హెడ్ లైన్స్ లో సంచ‌ల‌నంగా మారుతోంది దిశా ప‌టానీ. ఇంత‌కీ టైగ‌ర్ ష్రాఫ్ నుంచి దిశా పాటానీ బ్రేక‌ప్ ఖ‌రారైన‌ట్టేనా.. దీనిపై ఎలాంటి అధికారిక ప్ర‌క‌ట‌నా లేదు! కానీ ఇంత‌లోనే కొత్త ప్రియుడితో పార్టీలు ఫంక్ష‌న్లు అంటూ దిశా షికార్లు చేస్తున్న తీరు అంద‌రినీ విస్మ‌య‌ప‌రుస్తోంది. ఇంత‌కీ ఆ ఇద్ద‌రి న‌డుమా ఏం జ‌రుగుతోంది? ఈ షికార్ల వెన‌క అంత‌ర్యం ఏమిటో తెలియాలంటే మ‌రింత డీప్ గా వివ‌రాల్లోకి వెళ్లాలి.

గ‌త కొన్నేళ్లుగా టైగ‌ర్- దిశా క‌లిసి మెలిసి ఉన్నారు. ఆ ఇద్ద‌రూ డేటింగ్ లో ఉన్నా కానీ దానిని ధృవీక‌రించ‌లేదు. కానీ దిశా ప‌టానీతో స్నేహం టైగ‌ర్ ఇంట్లో న‌చ్చ‌డం లేద‌ని గొడ‌వ‌ల‌య్యాయ‌ని కూడా ముంబై మీడియా గ‌తంలో క‌థ‌నాలు వెలువ‌రించింది. ఏది ఏమైనా ఇప‌పుడు ముంబై వీధుల్లో కొత్త జంట షికార్లు టాక్ ఆఫ్ ది టౌన్ గా మారాయి. నిరంత‌రం ఇది బాలీవుడ్ మీడియాలో చ‌ర్చ‌నీయాంశంగా మారింది.

ఈ మంగ‌ళ‌వారం కార్తీక్ ఆర్య‌న్ బ‌ర్త్ డే పార్టీకి దిశా ప‌టానీ త‌న కొత్త స్నేహితుడితో క‌లిసి విచ్చేసింది. వాస్తవానికి దిశా పటానితో ఉన్న మిస్టరీ మ్యాన్ కం ఫ్రెండు మరెవరో కాదు.. త‌న ఫిట్ నెస్ శిక్షకుడు అలెగ్జాండర్ అలెక్స్ ఇలిక్. అత‌డు నటుడు కం మోడల్ కూడా. అలెక్స్ తో ఉన్న ఫోటోలు ఇటీవ‌ల‌ సోషల్ మీడియాల్లో వైర‌ల్ గా షేర్ అయ్యాయి. దిశా - ఆమె శిక్షకుడు అలెక్స్ ఇంత‌కుముందు రెండు సార్లు కలిసి కనిపించారు. ఆ ఇద్దరూ మంచి స్నేహితులు. వాస్తవానికి అలెక్స్ తన వెబ్-షో అరంగేట్రం కోసం హిందీ నేర్చుకోవడంలో దిశా ప‌టానీ సహాయం చేస్తోందని కొన్ని క‌థ‌నాలొచ్చాయి. ఇక తాజాగా అలెక్స్ తో వ‌రుస ఫోటోషూట్లు అంత‌ర్జాలంలో వాడి వేడి చ‌ర్చ‌కు తెర‌లేపాయి.

ఈ ఏడాది ఆరంభంలోనే.. దిశా పటానీతో టైగర్ ష్రాఫ్ బ్రేక‌ప్ అయ్యాడ‌ని క‌థ‌నాలొచ్చిన క్ర‌మంలో అలెక్స్ తో దిశా బంధంపై చ‌ర్చ వేడెక్కిస్తోంది. అయితే దిశా- టైగ‌ర్ ఎప్పుడూ బహిరంగంగా ఒకరితో ఒకరు డేటింగ్ గురించి మాట్లాడలేదు... కాబట్టి వారి బ్రేక్-అప్ వార్తలు కూడా అధికారికంగా బయటకు రాలేదు. తమ ప్రస్తుత రిలేషన్ షిప్ స్టేటస్ పై ఆ ఇద్ద‌రిలో ఎవ‌రూ ఇంకా వ్యాఖ్యానించలేదు.

ఇక కార్తీక్ నైట్ పార్టీలో దిశా డ్రెస్సింగ్ సెన్స్ గురించి వాడి వేడిగా చ‌ర్చ సాగుతోంది. దిశా పటానీ తరచుగా సోషల్ మీడియాలో షో స్టాప‌ర్ గా నిలుస్తోంది. సాంప్రదాయ దుస్తులు ధ‌రించినా లేదా బాడీకాన్ సిల్హౌట్ లతో ప్ర‌త్య‌క్ష‌మైనా..స్విమ్ సూట్ లు బికినీల్లో క‌నిపించినా సీకే బ్రాండ్ ప్ర‌చారంతో అద‌ర‌గొట్టినా దిశా యూనిక్ స్టైల్ అంద‌రినీ మెప్పిస్తుంది.

కెరీర్ మ్యాట‌ర్ కి వ‌స్తే... మోహిత్ సూరి క్రైమ్-థ్రిల్లర్ 'ఏక్ విలన్ 2'లో జాన్ అబ్రహం సరసన దిశా పటాని కనిపించింది. ఇప్పుడు అమితాబ్ బచ్చన్- ప్రభాస్ మరియు దీపికా పదుకొణెలతో కలిసి ప్రాజెక్ట్ కెలో న‌టిస్తోంది. సూర్య 42- యోధా చిత్రాల్లోను న‌టిస్తోంది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.