ఫోటో టాక్: సీకే బ్యూటీ పర్ ఫెక్ట్ టోన్డ్ బాడీ

ప్ర‌ఖ్యాత లోదుస్తుల‌ బ్రాండ్ కెల్విన్ క్లెయిన్ (సీకే) ప్ర‌చార క‌ర్త‌గా దిశా పటానీ రెగ్యుల‌ర్ ట్రీట్ గురించి తెలిసిందే. 2018 దీపావ‌ళి మొద‌లు ఫ్యాన్స్ కి సీకే బ్యూటీ అన్ లిమిటెడ్ ట్రీట్ ని ఇస్తోంది. ఇప్ప‌టికే దిశా హాటెస్ట్ బ్యూటీగా పాపుల‌రైంది ఈ బ్రాండ్ తోనే. ఇది అన్ లిమిటెడ్ ట్రీట్. అందుకే ఈ సిరీస్ లో నిరంత‌రం ఏదో ఒక కొత్త ఫోటో అంత‌ర్జాలంలోకి వ‌స్తూనే ఉంది. తాజాగా మ‌రో హాట్ ఫోటోని దిశా అభిమానుల కోసం షేర్ చేసింది.

ఈ లుక్ లో దిశా ప‌ర్ఫెక్ట్ టోన్డ్ బాడీ యూత్ కి కొత్త గోల్స్ ని నిర్ధేశిస్తోంది. అయితే బ్రాండ్స్ ప్ర‌పంచంలో త‌న‌ని తాను టాప్ పొజిష‌న్ లో ఉంచుకునేందుకు దిశా ఎంత‌గా శ్ర‌మిస్తుందో తెలిసిందే. నిరంత‌రం జిమ్ లో క‌స‌ర‌త్తులు చేస్తుంది. యోగా సెష‌న్స్ కి టైమ్ టు టైమ్ ఎటెండుతుంది. వీటితో పాటు థై క్వాండో.. కిక్ బాక్సింగ్ లాంటి విద్య‌ల్ని నేర్చుకుంది. శారీర‌కంగా ఎంతో క‌ఠోర‌మైన మార్ష‌ల్ ఆర్ట్స్ విద్య‌ల్లోనూ దిశా రాటు దేలింది. ఆ హార్డ్ వ‌ర్క్ తోనే కార్పొరెట్ ప్ర‌క‌ట‌న‌ల్ని గుప్పిట పడుతోంది. వాటికి సామాజిక మాధ్య‌మాల్లో ప్ర‌చారం చేస్తూ భారీగా ఆదాయం ఆర్జిస్తోంది.

ఇక కెరీర్ ప‌రంగా చూస్తే... ప్ర‌స్తుతం యంగ్ హీరో ఆదిత్య రాయ్ క‌పూర్ స‌ర‌స‌న `మ‌ళంగ్` అనే చిత్రంలో దిశా న‌టిస్తోంది. ఈ సినిమాకి మోహిత్ సూరి ద‌ర్శ‌క‌త్వం వ‌హిస్తున్నారు. ఆషిఖి 2 లాంటి అద్భుత‌మైన క్లాసిక్ చిత్రాన్ని తెర‌కెక్కించిన మోహిత్ సూరి ఈసారి మ‌రో ప్రేమ‌క‌థా చిత్రాన్ని తెర‌కెక్కిస్తున్నారు. ఈ చిత్రంలో అండ‌ర్ వాట‌ర్ సుదీర్ఘ‌మైన లిప్ లాక్ హీటెక్కించ‌నుంది. ఫిబ్ర‌వ‌రి 7న ఈ చిత్రం రిలీజ్ కానుంది. అలాగే స‌ల్మాన్ ఖాన్ స‌ర‌స‌న రాధే అనే వేరొక భారీ చిత్రంలోనూ దిశా న‌టిస్తోంది. ప్ర‌భుదేవా ద‌ర్శ‌కత్వం వ‌హిస్తున్న ఈ చిత్రాన్ని 2020 మే 22న రిలీజ్ చేయ‌నున్నారు. ఏక్తా క‌పూర్ నిర్మిస్తున్న కే టీనా అనే వేరొక చిత్రంలోనూ దిశా క‌థానాయిక‌గా న‌టిస్తోంది.