'భాఘి 3' లో లేడీ బ్రూస్ లీ

గ‌త కొంత‌కాలంగా లోఫ‌ర్ బ్యూటీ దిశాప‌టానీ వ్య‌వ‌హారం చూస్తుంటే ర‌క‌ర‌కాల‌ సందేహాలకు తావిస్తోంది. ప్రియుడు టైగ‌ర్ ష్రాఫ్ తో పోటీప‌డుతూ దిశా క‌ఠిన‌మైన‌ వ్యాయామాలు చేస్తోంది. తీగ లాంటి దేహాన్ని విల్లులా వంచేస్తోంది. ఎనిమిది అడుగుల ఎత్తున గాల్లో ఎగురుతూ క‌ఠోరంగా బాక్సింగ్- మిక్స్ డ్ మార్ష‌ల్ ఆర్ట్స్ ప్రాక్టీస్ చేస్తోంది. అందుకోసం కోచ్ సాయం తీసుకుంటోంది. ఇదంతా ఎందుకోసం అంటూ అంతా ఆశ్చ‌ర్య‌పోతున్నారు.

అయితే దానికి స‌మాధానం తాజాగా రివీల్ చేసింది దిశా. ``డోంట్ మెస్ విత్ మి.. ట్రైనింగ్.. మ్యాట్రిక్స్ అఫీషియ‌ల్ విత్ మై కోచ్‌. ది పాథ్ ఆఫ్ ది వారియ‌ర్.. టైగ‌ర్ జాకీష్రాఫ్‌.. కిష్సు ష్రాఫ్‌`` అంటూ కామెంట్ ని పోస్ట్ చేసింది. అంటే ఇప్ప‌టికే భాఘి 3 స‌న్నాహాలు ప్రారంభ‌మ‌య్యాయ‌న్న సంకేతం ఇచ్చింది దిశా.

ఇదే విష‌యాన్ని దిశా పటానీ తో పాటుగా.. టైగ‌ర్ ష్రాఫ్ - సోన‌మ్ క‌పూర్ - శిల్పా శెట్టి వంటి స్టార్లు సామాజిక మాధ్య‌మాల్లో షేర్ చేశారు. ఓ వీడియోని షేర్ చేశారు. దీనిని బ‌ట్టి దిశా ప‌టానీ త‌దుప‌రి చిత్రం `భాఘి 3` కోస‌మే ఇంత క‌ఠినంగా శ్ర‌మిస్తోంద‌ని అర్థ‌మ‌వుతోంది. ప్ర‌స్తుతం టైగ‌ర్ ష్రాఫ్ న‌టిస్తున్న స్టూడెంట్ ఆఫ్ ది ఇయ‌ర్ 2 రిలీజ్ కి రావాల్సి ఉంది. అలాగే దిశా న‌టిస్తున్న భ‌ర‌త్ చిత్రం రావ‌డానికి టైమ్ ప‌డుతుంది. ఈలోగానే క్రేజీ ఫ్రాంఛైజీ భాఘిలో మూడో సినిమాకి ఈ జోడీ రెడీ అవుతున్నార‌న్న‌మాట‌.


వీడియో కోసం క్లిక్ చేయండి