లోఫ‌ర్ బ్యూటీ సిగ్గులేనిత‌నం

స‌రైన టైమ్ చూసి వేడెక్కించింది దిశాప‌టానీ. దీపావ‌ళి వేళ అమావాస్య చీక‌టిలో దీపాలు వెలిగిస్తున్నా అంటూ క‌ల‌రింగ్ ఇచ్చిన లోఫ‌ర్ బ్యూటీ ఆ రోజు చేసిన సిగ్గుమాలిన ప‌ని అంద‌రికీ గుర్తుండే ఉంటుంది. ల‌క్ష్మీ దేవి ఇంటికి రావాల్సిన వేళ కెల్విన్ క్లెయిన్ బ్రాకి - లింగ‌రీకి ప్ర‌మోష‌న్ చేసింది. దీపం ఒత్తు వేసిన దివ్వె ప‌ట్టుకుని ఒగ‌లుపోయింది. దానికి యువ‌జ‌నంలో బోలెడ‌న్ని తిట్లు - చీవాట్లు - దండ‌కాలు వ‌చ్చి ప‌డ్డాయ్‌.

క‌ట్ చేస్తే.. త‌న‌కు ఏం కావాలో అది సాధించుకుంది దిశా. కేవ‌లం సామాజిక మాధ్య‌మాల అండ‌తో ఎర‌వేసి - ప్ర‌ఖ్యాత బ్రాండ్‌ కి బోలెడంత ప్ర‌చారం తెచ్చిపెట్టింది. అయితే ఈ డీల్ ఎంత‌? అన్న చ‌ర్చా ఆ త‌ర్వాత మొద‌లైంది. స‌ద‌రు కంపెనీతో దిశా కుద‌ర్చుకున్న డీల్ చిన్న‌దేమీ కాదు. ద‌ప‌ద‌ఫాలుగా ఈ త‌ర‌హా ప్ర‌మోష‌న్ చేసేందుకు కోట్ల‌లోనే అందుకుందిట‌.

తాజాగా సీకే లోదుస్తుల సిరీస్‌ లో కొత్త ఫోటోని రిలీజ్ చేసింది. ఇన్‌ స్టాలో ఈ ఫోటో వేడెక్కిస్తోంది. బ్లాక్ క‌ల‌ర్ కెల్విన్ క్లెయిన్ లోదుస్తుల్లో ద‌ర్శ‌న‌మిచ్చి మ‌రోమారు వేడెక్కించింది. దిల్లీలో సీకే స్టోర్ లాంచ్‌ కి యూత్‌ ని ఈ సంద‌ర్భంగా ఆహ్వానించింది ఈ బ్యూటీ. సీకే బ్రాండ్ అంటే ఇంట‌ర్నేష‌న‌ల్ స్టాండార్డ్. అందుకు త‌గ్గ‌ట్టే అమ్మ‌డు భారీ మొత్తాన్నే ఖాతాలో వేసుకుంద‌న్న‌మాట‌. స‌ల్మాన్ భాయ్ భ‌ర‌త్ చిత్రంలో దిశా ఓ కీల‌క పాత్ర పోషిస్తోంది. మ‌రోవైపు ప్రియుడు టైగ‌ర్ ష్రాఫ్‌ స‌ర‌స‌న న‌టించే సినిమా ఏద‌న్న‌ది ప్ర‌క‌టించాల్సి ఉందింకా.