లోఫర్ బ్యూటీకి ప్రత్యేక పూజలు!!

లోఫర్ మూవీ ద్వారా టాలీవుడ్ తో పరిచయం అయ్యి.. బాలీవుడ్ లో అడుగు పెట్టి.. ఏకంగా జాకీచాన్ తో సినిమా చేసేసిన నార్త్ బ్యూటీ దిశా పటానీ. మోడలింగ్ రంగం నుంచి సినిమా పరిశ్రమలోకి వచ్చిన ఈ సుందరాంగికి బోలెడంత అభిమానులు ఉండడంలో ఆశ్చర్యం ఉండదు. కానీ ఈమెకు పూజ చేస్తే.. తమ వర్జినిటీ తొలగిపోతుందంటూ కొందరు స్టూడెంట్స్ పూజలు చేసేయడం విశేషం.

న్యూఢిల్లీలోని హిందు కాలేజ్ హాస్టల్ కుర్రాళ్లకు ఓ అలవాటు ఉంది. ప్రతీ వేలంటైన్స్ డేకి ఓ భామను ఎంచుకుని.. ఆమెకు పూజలు చేసేస్తోంటారు. అక్కడే ఉన్న చెట్టును ఓ వర్జిన్ ట్రీగా ఎంచుకుని.. ఆ చెట్టుకు ఫోటో కట్టి పూజలు చేస్తారు. ఈసారి అలా దిశా పటానీని ఎంచుకుని కుర్రాళ్లంతా పూజలు చేసేశారు. ఈమెతో పాటు నర్గీస్ ఫక్రీని కూడా పరిశీలించారట కానీ.. ఎక్కువ ఓట్లు దిశాకే పడ్డాయట. హాస్టల్ కుర్రాళ్లలోంచి ఒకడు పూజారిగా మారి పూజలు చేసేస్తామని చెబుతున్నారు వీళ్లంతా.

ఇలా ఎంపికైన భామను దందామీ మాయి అంటారు ఢిల్లీ స్టూడెంట్స్. ఈసారి దందాయి మాయిగా దిశా ఎంపికైందన్న మాట. అదలా ఉంటే.. ఈ పూజలో పాల్గొన్న కుర్రాళ్లకు ఆరు నెలల్లో భాగస్వామి దొరుకుతుందని.. ఏడాదిలోగా తమ వర్జినిటీ పోగొట్టుకునే అవకాశం వస్తుందని వీరందరి గాఢ విశ్వాసం. కాదు కాదు.. మూఢ విశ్వాసం.

Like Us on Facebook : https://www.facebook.com/Tupakidotcom/