అంచనాలు పెంచుతున్న 'పుష్ప' ఐటమ్ సాంగ్..!

స్టైలిష్ స్టార్ అల్లు అర్జున్ హీరోగా లెక్కల మాస్టర్ సుకుమార్ దర్శకత్వంలో రూపొందుతున్న భారీ మూవీ పుష్ప. హ్యాట్రిక్ హిట్స్ ప్రొడక్షన్ హౌస్ మైత్రి మూవీస్ వారు భారీ బడ్జెట్ తో నిర్మిస్తున్నటువంటి ఈ సినిమా పాన్ ఇండియా రేంజిలో తెరకెక్కుతోంది. ఈ సినిమాకు రాక్ స్టార్ దేవిశ్రీప్రసాద్ మ్యూజిక్ డైరెక్టర్ కాగా ఈ సల మూవీలో బన్నీ స‌ర‌స‌న యంగ్ సెన్సేషన్ రష్మిక మంద‌న హీరోయిన్‌గా నటిస్తుంది. ఇప్పటికే రిలీజ్ చేసినటువంటి పుష్ప పోస్టర్లు- టీజర్ సినీ ప్రేక్షకులను విప‌రీతంగా ఆకట్టుకున్నాయి. అల్లు అర్జున్ ఫస్ట్ టైం ఊరమాస్‌ రఫ్ లుక్కులో కనిపించి ఫ్యాన్స్ అందరికి అదిరిపోయే ట్రీట్ ఇచ్చాడు. పాన్‌ ఇండియా మూవీగా పుష్ప 5భాషల్లో విడుదల కాబోతుంది.

ప్రస్తుతం అయితే పుష్పను ఆగష్టు 13న రిలీజ్ చేయనున్నట్లు ప్రకటించారు మేకర్స్. కానీ కరోనా కారణంగా సినిమా షూటింగ్ కు అంతరాయము ఏర్పడింది. అడవుల్లో అక్రమంగా జరిగే ఎర్రచందనం స్మగ్లింగ్ నేపథ్యంలో ఈ మూవీ తెరకెక్కుతుంది. ఈ సినిమాలో బ‌న్నీ లారీడ్రైవరుగా కనిపించనున్నాడు. అయితే క‌థ‌, క‌థనం గురించి ప‌క్క‌న పెడితే ఈ సినిమా రెండు భాగాలుగా రెడీ అవుతున్న విషయం తెలిసిందే. ఇప్పటికే మొదటి భాగం షూటింగ్ 90శాతం కంప్లీట్ అయిందని టాక్. ఇప్పటికైతే పుష్ప ఫస్ట్ పార్ట్ ఓ సాంగ్ - రెండు సీన్స్ మాత్రమే బాలన్స్ ఉన్నట్లు తెలుస్తుంది.

ఇదిలా ఉండగా.. సుకుమార్ - దేవిశ్రీ ప్రసాద్- అల్లుఅర్జున్ కాంబినేషన్ రూపొందుతున్న మూడో సినిమా ఇది. వీరి కాంబినేషన్ లో వచ్చిన ఆర్య - ఆర్య-2 ఆడియో ఆల్బమ్స్ ఎలాంటి హిట్ అందుకున్నాయో విదితమే. ముచ్చటగా మూడోసారి పుష్ప రాబోతుండటంతో ఈ ఆడియో ఆల్బమ్ పై కూడా భారీ అంచనాలు నెలకొన్నాయి. ఈ కాంబో పుష్ప మ్యూజిక్ పరంగా హ్యాట్రిక్ హిట్టు పక్కా అని ఫ్యాన్స్ ఎక్సపెక్ట్ చేస్తున్నారు. అయితే ప్రస్తుతం ఇండస్ట్రీలో పుష్ప ఐటమ్ గురించి చర్చలు జరుగుతున్నాయి. ఈ సినిమా మసాలా సాంగ్ ఓ రేంజిలో ఉండబోతుందట. ఇప్పటికే ట్యూన్ కూడా సిద్ధం చేసేసాడట దేవిశ్రీ. మరి ఈ మసాలా సాంగ్ లో బాలీవుడ్ బ్యూటీ చిందెయ్యనుందని టాక్. మరి ఈసారి పాన్ ఇండియాను దృష్టిలో పెట్టుకొని దేవి మ్యూజిక్ సెట్ చేస్తున్నాడని సమాచారం. చూడాలి మరి స్పెషల్ ఐటమ్ సాంగ్ ట్రీట్ ఎలా ఉండబోతుందో..!