లోఫర్ పాప వెంట బాగానే పడుతున్నారే

నిజానికి 'లోఫర్' సినిమాతో తెరంగేట్రం చేసిన దిశా పటానీ.. తన గ్లామర్ తో తెలుగు ప్రేక్షకులను ఎప్పుడో క్లీన్ బౌల్డ్ చేసింది. ఇక వివిధ ఈవెంట్లలో తన క్లీవేజ్ అందాలను దారబోస్తూ.. అమ్మో రచ్చ రచ్చ చేసిపాడేసింది. వాటన్నింటినీ చూసి బాలీవుడ్ పెద్దగా ఛాన్సులు ఏమీ కురిపించట్లేదు కాని.. టాలీవుడ్ మాత్రం బాగానే అక్కున చేర్చుకునేలా అనిపిస్తోంది.

ఇప్పటివరకు టాలీవుడ్ లో లోఫర్ తరువాత ఒక్క ఛాన్స్ కూడా రాలేదని మనం అనుకుంటున్నాం కాని.. ఈ ఇలియానా జూనియర్ కు మన పెద్దపెద్ద స్టార్లు బాగానే ఆఫర్లు ఇస్తున్నారు. అయితే ఎవరు ఎక్కువగా పేమెంట్ ఇస్తే వారి సినిమా సైన్ చేద్దాం అని పాప వెయిట్ చేస్తోంది. ఆల్రెడీ కొరటాల శివ డైరక్షన్లో రూపొందే మహేష్‌ బాబు సినిమాకు.. కియారా అద్వాని కాకుండా దిశా పటానీని కూడా కన్సిడర్ చేస్తున్నారు. అలాగే ఇప్పుడు బన్నీ హీరోగా వక్కంతం వంశీ డైరక్షన్లో రూపొందే సినిమాకు కూడా మనోళ్ళు దిశా కావాలని ప్రయత్నిస్తున్నారట. చూస్తుంటే ఈ పటానీ పాప గట్టిగానే పట్టేలా ఉందే.

కాకపోతే ఒక తమన్నా తరహాలో ఇక్కడే పాతుకు పాతుందా.. లేదంటే ఒక కత్రినా కైఫ్‌ తరహాలో ఓ రెండు మూడు సినిమాలు చేసి వెళ్ళిపోతుందా అనే విషయం మాత్రం అప్పుడే చెప్పలేం.

Like Us on Facebook : https://www.facebook.com/Tupakidotcom/