ఆ విషయం డైరెక్టర్ ని అడగండి

కోలీవుడ్ లో గత కొంత కాలం నుంచి ఓ భారీ చిత్ర గురించి అనేక కథనాలు వెలువడుతున్నాయి. ఆ ప్రాజెక్ట్ మరేదో కాదు. కుష్బూ భర్త సుందర్.సి తెరకెక్కించబోయే మూవీ సంఘమిత్ర. యుద్ధ నేపథ్యంలో ఆ సినిమా తెరకెక్కనుంది. అయితే దాదాపు 200 కోట్ల వరకు సినిమాకు ఖర్చు చెబోతున్నట్లు చిత్ర యూనిట్ అప్పుడే చెప్పేసింది. ఇలాంటి ప్రాజెక్ట్ ఒక్కసారి దక్కిందంటే ఎవ్వరైనా సరే ఎండ్ అయ్యే వరకు మరో సినిమా గురించి ఆలోచించరు.

కానీ మెయిన్ లీడ్ లో నటించడానికి ఒప్పుకున్న శృతి హసన్ మాత్రం సినిమా స్టార్ట్ అయ్యే ముందు నో చెప్పేసింది. ఆ విషయంపై ఎన్నో అనుమానాలు వచ్చాయి. అయితే ఫైనల్ గా సంఘమిత్ర లో లోఫర్ బ్యూటీ దిశా పటానికి అవకాశం ఇచ్చారు. కరెక్ట్ గా నాలుగు సినిమాల్లో కూడా కనిపించని ఈ నటికి200 కోట్ల సినిమాలో అవకాశం ఎలా ఇచ్చారు అని అందరు ఆశ్చర్యపోయారు. ఇకపోతే రీసెంట్ గా దిషాకి మీడియా సమావేశంలో సంఘమిత్రకు సంబంధించిన ఒక ప్రశ్న ఎదురవ్వగా కొంత ఆగ్రహానికి లోనైంది.

సినిమాలో మిమ్మల్ని ఎంచుకోవడానికి కారణం ఏమిటి? రీప్లేస్ ఎందుకు చేశారని అడుగగా.. ఆమె నాకన్నా సీనియర్ నటి. ఆమెతో పోలుస్తారెంటి?. రీప్లేస్ అని అనడం కరెక్ట్ కాదు. ఆమెతో పోల్చుకుంటే నేను చేసిన సినిమాలు తక్కువ. ఆ విషయం గురించి నాకు తెలియదు. కావాలంటే డైరెక్టర్ ని ఆడగండని దిశా చేతులు దులిపేసుకుంది. ఇక ప్రస్తుతం దిశా తన దృష్టిని మొత్తం భాగి 2 సినిమా ప్రమోషన్స్ పైనే పెట్టింది. ఈ నెల 30న ఆ సినిమా రిలీజ్ కానుంది.