బ్రహ్మాస్త్ర: డిస్నీ వారికి పనులు అప్పగించే ఆలోచనలో కరణ్ జోహార్

బాలీవుడ్లో 'బ్రహ్మాస్త్ర 3D' పేరుతో ఒక భారీ బడ్జెట్ సినిమా తెరకెక్కుతున్న సంగతి తెలిసిందే. అయాన్ ముఖర్జీ దర్శకత్వంలో రణబీర్ కపూర్.. అలియా భట్.. అమితాబ్ బచ్చన్ లు ప్రధాన పాత్రలో నటిస్తున్న ఈ సినిమాలో అక్కినేని నాగార్జున కూడా ఒక కీలక పాత్రలో నటిస్తున్నారు. ఈ సినిమాను ధర్మ ప్రొడక్షన్స్ బ్యానర్ పై కరణ్ జోహార్ నిర్మిస్తున్నారు. ఈ సినిమా కథ ఎలాంటిది అనేది పక్కన పెడితే ఈ సినిమాను పూర్తి చేసేందుకు హాలీవుడ్ నిపుణులపై ఆధార పడుతున్నారని సమాచారం అందుతోంది.

నిజానికి ఈ సినిమాకు సంబంధించిన పోస్ట్ ప్రొడక్షన్ వర్క్ ఇక్కడే జరగాల్సి ఉంది కానీ ఇప్పుడు మాత్రం ఆ పని అంత హాలీవుడ్ టెక్నీషియన్స్ కు అప్పగించాలనే ఉద్దేశంతో ఉన్నారని అంటున్నారు. ఇక్కడ లాక్ డౌన్ కారణంగా పనులన్నీ ఆగిపోవడంతో డిస్నీ వారికి ఈ వర్క్ అంతా అప్పగించాలని అనుకుంటున్నారట. ఈ సినిమాకు 'బాహుబలి' కి పనిచేసిన డైరెక్షన్ టీం.. 'సాహో' సినిమాకు పనిచేసిన ఎడిటింగ్ టీమ్ ను తీసుకున్నారని అంటున్నారు.

ముందుగా అనుకున్న రిలీజ్ డేట్ ప్రకారం ఈ సినిమా ఈ ఏడాది డిసెంబర్ 4 న విడుదల కావలసి ఉంది. ఇప్పుడు లాక్ డౌన్ కారణంగా ఆ పనులన్నీ నిలిచిపోయాయి. అయితే ఈ సినిమాకు విజువల్ ఎఫెక్ట్స్ వర్క్ ఎక్కువగా ఉండడం తో.. లాక్ డౌన్ ఎక్కువ రోజులు కొనసాగితే అనుకున్న సమయానికి ఫస్ట్ కాపీ చేతికొచ్చే అవకాశం లేదట. అందుకే హాలీవుడ్ సంస్థ పై ఆధారపడాలని కరణ్ జోహార్ నిర్ణయం తీసుకున్నారట. ఈ లెక్కన 'బ్రహ్మాస్త్ర' ముందుగా అనుకున్న సమయానికి సినిమా రిలీజ్ అయ్యే అవకాశం ఉంది.