ఫొటోటాక్ : ఇంకా ఎన్నాళ్లు ఈ అందం అక్కడే పరిమితమవ్వాలి

తెలుగు బిగ్ బాస్ తో మంచి గుర్తింపును దక్కించుకున్న నటి దివి. బిగ్ బాస్ తర్వాత ఈమెకు వరుసగా సినిమా ఆఫర్లు తలుపు తడుతున్నాయి. మెగాస్టార్ చిరంజీవి స్వయంగా వేదాళం రీమేక్ లో ఈమెకు ఛాన్స్ ఇచ్చిన విషయం తెల్సిందే. భోళా శంకర్ అనే టైటిల్‌ తో రూపొందుతున్న వేదాళం రీమేక్ లో దివి పాప కనిపించబోతుంది. సినిమాలో కీలక పాత్రను దివి చేయబోతున్నట్లుగా ఇప్పటికే మేకర్స్ ప్రకటించారు. ఆ సినిమా కాకుండా దివి ఇంకా పలు సినిమాలను కూడా చేస్తోంది. వరుసగా ఆమెకు ఆఫర్లు వస్తున్నాయి కాని కాస్త ఆచి తూచి సినిమాలను ఎంపిక చేసుకుంటున్నట్లుగా తెలుస్తోంది.

స్టార్‌ హీరోయిన్ మెటీరియల్ అని.. ఇండస్ట్రీలో ఏ ముద్దుగుమ్మకు కూడా లేనంత ఫిజిక్ మరియు అందం ఈ అమ్మడికి ఉంది అంటూ అభిమానులు అంటూ ఉంటారు. సోషల్ మీడియాలో ఈ అమ్మడి ఫొటో షూట్స్ ను రెగ్యులర్ గా షేర్ చేస్తూ ఆకట్టుకుంటూ ఉంది. సోషల్‌ మీడియా వరకే ఈ అమ్మడి అందాల ఆరబోత పరిమితం అవుతుంది. ఈ అందంను వెండి తెరపై ఎప్పటికి చూస్తాం అంటూ అభిమానులు ఆవేదన వ్యక్తం చేస్తున్నారు. ఇంత అందంను వెండి తెరపై ఎప్పుడు చూస్తామంటూ అభిమానులు ఎదురు చూస్తున్నారు. ఇంకా ఎన్నాళ్లు ఈ అందం సోషల్‌ మీడియాకే పరిమితం అవ్వాలని వారు కామెంట్స్ చేస్తున్నారు.

ముందు ముందు అయినా ఈ అమ్మడు వరుసగా సినిమాల్లో హీరోయిన్ గా నటించే అవకాశాలను దక్కించుకోవాలని కోరుకుంటున్నాం అంటున్నారు. దివి బుల్లి తెర.. వెండి తెర.. ఓటీటీ ఇలా ప్రతి వేదికపై తనదైన ముద్రను వేసుకుంటూ దూసుకు వెళ్లే రోజు ముందు ముందు ఉందంటూ అభిమానులు అంటున్నారు. సోషల్‌ మీడియాలో తాజాగా దివి షేర్‌ చేసిన ఈ ఫొటో వైరల్‌ అవుతోంది. బ్యాక్ అందంను ఎక్స్ పోజ్‌ చేస్తూ పచ్చని చెట్ల మద్య పింక్‌ వర్ణంలో మెరిసి పోతున్న దివిని చూస్తే ముచ్చటేస్తుందని.. బాలీవుడ్‌ ఫిల్మ్‌ మేకర్స్ దృష్టిలో పడితే ఖచ్చితంగా అక్కడ మంచి ఆఫర్లు వస్తాయని నెటిజన్స్ కామెంట్స్ చేస్తున్నారు. చిరంజీవి సినిమా తర్వాత దివి రేంజ్ మారిపోతుందేమో చూడాలి.