ఇక్కడ చేసేది లేక కోలీవుడ్ పై దృష్టి పెట్టింది!

కొందరేమో ఆఫర్ వస్తే చాలు లైఫ్ సెట్ అయిపోతుంది అనుకుంటారు. మరి కొందరేమో హిట్టొస్తే చాలు కెరీర్ సెట్ అయిపోతుంది అనుకుంటారు. ఈ రెండూ ఉన్న కొందరు అడుగు ముందుకుపడక సతమతమవుతూ ఉంటారు. 'మజిలీ' సినిమాతో హీరోయిన్ గా టాలీవుడ్ ఎంట్రీ ఇచ్చింది దివ్యాన్ష కౌశిక్. సినిమా సూపర్ హిట్. కానీ ఇప్పటివరకూ మరో ఆఫర్ లేదు.

సినిమాలో గ్లామరస్ గా కనిపించింది. ఒక లిప్పు లాకు కూడా ఇచ్చింది. తన వంతు ప్రయత్నాలు తను చేసింది. అయితే క్రెడిట్ అంతా సమంతా ఖాతాలోకి వెళ్లిపోయింది. సడెన్ గా ఎవరినైనా 'మజిలీ' హీరోయిన్ ఎవరు అని అడిగితే.. సమంతా పేరు చెప్తారు కానీ దివ్యాన్ష పేరు చెప్పరు. దీంతో పాపకు బ్రేక్ రాలేదు. ఇక ఇలా అయితే ఆఫర్లు వచ్చేలా లేవని ఇన్స్టాగ్రామ్ ను రఫ్ఫాడించింది. అయినా ప్రయోజనం దక్కలేదు. ఇక చేసేదేమీ లేక ఛలో చెన్నై అంటోందట. ఇక కోలీవుడ్ లో తన అదృష్టం ఎలా ఉందో పరీక్షించుకోవాలని డిసైడ్ అయిందట.

సిద్ధార్థ్ హీరోగా నటిస్తున్న తమిళ చిత్రం 'టక్కర్' లో ఇప్పటికే దివ్యాన్ష హీరోయిన్ గా పని చేస్తోంది. ఈ సినిమాలో మజిలీ పాప సోలో హీరోయిన్. ఒకవేళ హీరోయిన్ కు క్రెడిట్ వస్తే గిస్తే అది దివ్యాన్ష హ్యాండ్ బ్యాగ్ లోనే పడుతుంది. ఒక సినిమా అయితే చేతిలో ఉంది కానీ ఆ సినిమాకు ఎలాంటి ఫలితం దక్కుతుందో.. దివ్యాన్ష కెరీర్ ఎలాంటి మలుపు తీసుకుంటుందో వేచి చూడాలి.