చై కోసం హీరోయిన్ని ఫిక్స్ చేసిన సామ్!

అక్కినేని నాగ చైతన్య - సమంతా జంట ప్రస్తుతం 'నిన్ను కోరి' ఫేమ్ శివ నిర్వాణ దర్శకత్వంలో ఒక సినిమాలో నటిస్తున్న సంగతి తెలిసిందే. ఈ సినిమాకు 'మజిలీ' అని టైటిల్ ఫిక్స్ చేశారని కూడా వార్తలు వచ్చాయిగానీ టైటిల్ ను ఇంకా అధికారికంగా ప్రకటించలేదు. ఈ సినిమా లో సమంతా మాత్రమే హీరోయిన్ అనుకునే వారందరికీ సర్ప్రైజ్ ఏంటంటే సామ్ తో పాటుగా మరో హీరోయిన్ కూడా ఉందట.

ఈమధ్యే ముంబై మోడల్ దివ్యాంష కౌశిక్ ను ఈ సినిమా కోసం సెకండ్ హీరోయిన్ గా ఫైనలైజ్ చేశారట. ఈ హీరోయిన్ ను దర్శకుడో లేదా హీరో చైతునో ఫైనలైజ్ చేసి ఉంటారనుకుంటారేమో.. కాదట. ఈ హీరోయిన్ ను ఫిక్స్ చేసింది చైతు శ్రీమంతి సమంతా అని సమాచారం. దివ్యాంష ఫోటోలు.. ఆడిషన్ టేపులు అన్నీ పరిశీలించన తర్వాత సమంతా ఈ నిర్ణయం తీసుకుందట.. చైతు - శివ నిర్వాణలు కూడా అందుకు ఓకే చెప్పారట.

ఈ రోజు చైతు తన పుట్టిన రోజు జరుపుకుంటున్నాడు. అందుకే బర్త్ డే సెలబ్రేషన్స్ కోసం చై-సామ్ జంట షూటింగులకు బ్రేక్ ఇచ్చి గోవాకు వెళ్లారట. ఈ నెల 26 నుండి 'మజిలీ' కొత్త షెడ్యూల్ స్టార్ట్ అవుతుందని.. కొత్త హీరోయిన్ ఆప్పటినుండి షూటింగ్ లో జాయిన్ అవుతుందని సమాచారం. సెకండ్ హీరోయిన్ అనగానే ఎదో అలా వచ్చి ఇలా వెళ్ళిపోయే బాపతు పాత్ర కాదట. ఫస్ట్ హాఫ్ అంతా చైతు - దివ్యాంష పైనే స్టొరీ రన్ అవుతుందట.