ఈ సినిమాల‌న్నీ దీపావ‌ళి ట‌పాసులు!

క‌మ‌ల్ హాస‌న్ న‌టించిన తూంగ‌వ‌నం త‌మిళ బాక్సాఫీస్ వ‌ద్ద రికార్డులు సృష్టిస్తుంద‌న్న అంచ‌నాలున్నాయి. ఓ డిఫ‌రెంట్ జోన‌ర్ ని ఈ సినిమాతో ట‌చ్ చేశాన‌ని క‌మ‌ల్ హాస‌న్ చెప్పారు. మ‌న‌వాళ్ల‌కు ఫాస్ట్ ఫేసింగ్ థ్రిల్ల‌ర్ కొత్త‌. ఆ ఫార్మాట్ ఎలా ఉంటుందో చూపిస్తున్నాన‌ని క‌మ‌ల్ ఆస‌క్తి రేకెత్తించారు. ఫ్రెంచి సినిమా స్లీప్‌ లెస్ నైట్స్‌ కి రీమేక్ ఇద‌ని క‌మ‌ల్ చెప్పారు. ఆ చిత్రం న‌చ్చ‌డం వ‌ల్ల‌నే .. మంచి సినిమా చూపించాల‌న్న ఆస‌క్తితోనే త‌మిళ్‌ - తెలుగు ప్రేక్ష‌కుల ముందుకు ఈ చిత్రాన్ని తెస్తున్నాన‌ని అన్నారు. ఈనెల న‌11న దీపావ‌ళి కానుక‌గా రిలీజ‌వుతోంది. అజిత్ హీరోగా శివ ద‌ర్శ‌క‌త్వం వ‌హించిన మాస్ ఎంట‌ర్‌ టైన‌ర్ వేదాళం పైనా అజిత్ అభిమానుల్లో భారీ అంచ‌నాలున్నాయి. కాబ‌ట్టి ఈ రెండిటి మ‌ధ్య బాహా బాహీ త‌ప్ప‌ద‌ని అంటున్నారు.

అలాగే టాలీవుడ్‌ లో మునుపెన్న‌డూ లేనిది.. ఫార్ములాని బ్రేక్ చేస్తూ అమావాస్య సెంటిమెంటుతో ప‌ని లేకుండా అక్కినేని న‌ట‌వార‌సుడు అఖిల్ అక్కినేని దూసుకొస్తున్నాడు. స‌రిగ్గా దీపావ‌ళి రోజున అఖిల్ న‌టించిన అఖిల్ - ది జువా చిత్రం రిలీజ‌వుతోంది. వి.వి.వినాయ‌క్ ద‌ర్శ‌క‌త్వంలో నితిన్ ఈ చిత్రాన్ని తెర‌కెక్కించారు. ఇదో యాక్ష‌న్ కామెడీ ఎంట‌ర్‌ టైన‌ర్‌. అన్ని వ‌ర్గాల‌కు న‌చ్చుతుంద‌ని ద‌ర్శ‌క‌హీరోలు ఇప్ప‌టికే చెప్పారు.

ఈ సినిమాతో పాటు క‌న్న‌డ‌లో కిల్లింగ్ వీర‌ప్ప‌న్‌ - బాక్స‌ర్‌ - రామ్ లీల చిత్రాలు రిలీజవుతున్నాయి. మ‌ల‌యాళంలో అనార్క‌లి అనే చిత్రం రిలీజ‌వుతోంది. దాదాపు డ‌జ‌ను సినిమాలు సౌత్ మొత్తం మీద రిలీజ‌వుతున్నాయి. వీటిలో ఎన్ని హిట్టు కొడ‌తాయో చూడాలి.