#F3 టీమ్ కేబుల్ బ్రిడ్జిపై నిర్వాకం చూశారా?

F3 టీమ్ కేబుల్ బ్రిడ్జిపై నిర్వాకం చూశారా?.. ఫ‌న్ బ్లాస్ట్ అంటూ తారాజువ్వులు వెలిగించి ఫ‌న్ బ్లాస్టింగ్ చేశారు. అంతేనా.. ఫిబ్ర‌వ‌రి 25 నుంచి ట‌పాసుల్ని థియేట‌ర్ల‌లో పేల్చుకోవాల‌ని పిలుపునిచ్చారు. వ్వాటే ఫ‌న్నీ బ్లాస్ట్..! అనొద్దు.

గెట్ రెడీ ఫ‌ర్ ఫ‌న్ బ్లాస్ట్ .. హ్యాపీ దీపావ‌ళి! అంటూ విక్ట‌రీ వెంక‌టేష్- మెగా ప్రిన్స్ వ‌రుణ్ తేజ్.. అనీల్ రావిపూడి అండ్ టీమ్ ఎంతో జోష్ ఫుల్ గా ఫ‌న్ బ్లాస్ట్ లో పాల్గొన్నారు. కేబుల్ బ్రిడ్జి (హైద‌రాబాద్ జూబ్లీహిల్స్)పై ప్ర‌చారం హోరెత్తింది. మిరుమిట్లు గొలిపే నైట్ లైటింగ్ లో కేబుల్ బ్రిడ్జి స‌ర్వాంగ సుంద‌రంగా క‌నిపిస్తోంది.

జ‌న‌వ‌రిలో సంక్రాంతి కానుక‌గా వ‌రుస‌గా పాన్ ఇండియా సినిమాలు రిలీజ‌వుతున్న క్ర‌మంలో రావిపూడి అండ్ టీమ్ తెలివిగా ఫిబ్ర‌వ‌రిలో స‌రైన తేదీని లాక్ చేసింది. ఆ త‌ర్వాత మార్చిలోకి వెళితే వ‌రుస‌గా ప‌రీక్ష‌ల సీజ‌న్ కాబ‌ట్టి అంత‌కుముందే తెలివిగా రిలీజ్ చేసి పోటీ లేకుండా చూసుకుని ఎన్ క్యాష్ చేసుకునే ప్ర‌ణాళిక‌ను ర‌చించారు. మొత్తానికి ఫ‌న్ బ్లాస్ట్ థియేట‌ర్ల‌లో అదురుతుంద‌నే అంతా భావిస్తున్నారు. బ్లాక్ బ‌స్ట‌ర్ ఎఫ్ 2లో పండిన కామెడీని మించి.. ఈసారి ఎమోష‌న‌ల్ కంటెంట్ తో ర‌క్తి క‌ట్టిస్తామ‌ని అనీల్ రావిపూడి ముందే వెల్ల‌డించారు. త‌మ‌న్నా-మెహ్రీన్ గ్లామ‌ర్ ట్రీట్ కి ఇప్పుడు ఎఫ్ 3లో సోనాల్ చౌహాన్ ట్రీట్ అద‌నం. మాస్ క్లాస్ అనే తేడా లేకుండా ఫ‌న్ బ్లాస్టింగ్ కోసం.. ఫిబ్ర‌వ‌రి వ‌ర‌కూ వేచి చూడాల్సిందే.