ఐకాన్ స్టార్ అల్లు అర్జున్ కొత్త కోరికేంటో తెలుసా?

ఈ మ‌ధ్య స్టార్ హీరోలు త‌మ త‌మ ఫ్యామిలీస్ కి ప్రాధాన్య‌త నిస్తున్నారు. గ‌తంలో ఫ్యామిలీ పిక్స్ ని సోష‌ల్ మీడియా వేదిక‌గా ఫ్యాన్స్ తో పంచుకోవ‌డానికి ఆస‌క్తిని చూపించ‌ని స్టార్స్ ఇప్పుడు మాత్రం పోటీప‌డి మ‌రీ ఫ్యామిలీ వెకేష‌న్స్ కి సంబంధించిన ఫొటోల‌ని, ఫ్యామిలీతో స్పెండ్ చేస్తున్న మ‌ధుర క్ష‌ణాల‌ని అభిమానుల‌తో పంచుకుంటున్నారు. ఫ్యామిలీ మెన్ లుగా స‌రికొత్త ఇమేజ్ ని ద‌క్కించుకుంటున్నారు. ఈ విష‌యంలో సూప‌ర్ స్టార్ మ‌హేష్ బాబు ముందు వ‌రుస‌లో నిలుస్తున్నారు.

అదే త‌ర‌హాలో సీనియ‌ర్ హీరో విక్ట‌రీ వెంక‌టేష్ కూడా ఫ్యామిలీ స్టార్ ఇమేజ్ ని సొంతం చేసుకున్న విష‌యం తెలిసిందే. సినిమాల్లోనే కాకుంగా రియ‌ల్ లైఫ్ లోనూ మేము ఫ్యామిలీ మ్యాన్ ల‌మే అని నిరూపించుకుంటూ ఫ్యామిలీతో గ‌డిపిన ప‌లు వెకేష‌న్ ల‌కు సంబంధించిన ఫొటోల‌ని సోష‌ల్ మీడియా వేదిక‌గా అభిమానుల‌తో పంచుకుంటున్నారు. మ‌హేష్ బాబు ఈ విష‌యంలో మ‌రీ ముందు వ‌రుస‌లో నిలిచారు.

ఫ్యామిలీతో క‌లిసి విదేశాల్లో విహ‌రిస్తూ ఆ ఫొటోల‌ని మ‌హేష్‌, న‌మ్ర‌త ఇన్ స్టా వేదిక‌గా షేర్ చేస్తున్న విస‌యం తెలిసిందే. ఈ విష‌యంలో ఐకాన్ స్టార్ అల్లు అర్జున్ సూప‌ర్ స్టార్ మ‌హేష్ ని ఫాలో అవుతున్నాడు. త‌న‌కూ ఫ్యామిలీ మ్యాన్ ఇమేజ్ కావాలంటున్నాడు.

గ‌త కొన్ని నెల‌లుగా త‌ను కూడా వెకేష‌న్ ల‌కి ఫ్యామిలీతో క‌లిసి వెళుతూ సోష‌ల్ మీడియా వేదిగా సంద‌డి చేస్తున్నాడు.

ముద్దుల కూతురు అల్లు అర్హ‌తో క‌లిసి పంచుకున్న ఆనంద‌క్ష‌ణాల‌కు సంబంధించిన ఫొటోల‌ని, వీడియోల‌ని ఎప్పిక‌ప్పుడు అభిమానుల‌తో పంచుకుంటున్నాడు. త‌న‌ని తాను కంప్లీట్ ఫ్యామిలీ మ్యాన్ గా నిరూపించుకోవాల‌ని, అంద‌రి ముందు త‌న‌ని తాను ఫ్యామిలీ మ్యాన్ గా ప్రొజెక్ట్ చేసుకోవాల‌ని ప్ర‌య‌త్నిస్తున్నాడు.

'పుష్ప‌'తో మాసీవ్ ఇమేజ్ ని సొంతం చేసుకున్న బ‌న్నీకి ఫ్యామిలీ మ్యాన్ ఇమేజ్ కావాల‌ట‌. అందుకే ప్ర‌తీ సంద‌ర్భంలోనూ ఫ్యామిలీతో గ‌డిపిన ఫొటోల‌ని సోష‌ల్ మీడియా వేదిక‌గా పంచుకుంటూ కొత్త ఇమేజ్ కోసం ట్రై చేస్తున్నాడట‌.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.