నేషనల్‌ క్రష్ రష్మిక నిక్ నేమ్‌ ఏంటో తెలుసా?

నేషనల్ క్రష్‌ రష్మిక మందన్నా పుష్ప సినిమాతో పాన్ ఇండియా స్టార్‌ హీరోయిన్ గా గుర్తింపు దక్కించుకుంది. ప్రస్తుతం బాలీవుడ్‌ లో కూడా ఈ అమ్మడు వరుసగా సినిమాలు చేస్తోంది. పుష్ప 2 సినిమా తో ప్రస్తుతం బిజీగా ఉన్న రష్మిక మరో వైపు తమిళ చిత్రం వారసుడు సినిమా ప్రమోషన్ కార్యక్రమాల్లో భాగంగా మీడియాతో ఇంట్రాక్షన్‌ అవుతోంది.

వారసుడు సినిమా లో విజయ్ కి జోడీగా నటించిన ఈ అమ్మడు సోషల్‌ మీడియా ద్వారా మరియు మీడియా ద్వారా ఆ సినిమా గురించి తెగ ప్రచారం చేస్తోంది. తాజాగా సోషల్‌ మీడియా ద్వారా వారసుడు సినిమా రిలీజ్ సందర్భంగా అభిమానులు అడిగిన ప్రశ్నలకు సమాధానాలు ఇచ్చింది.

ఆ సందర్భంగా ఒక అభిమాని మిమ్ములను ఇంట్లో వారు ఏమని పిలుస్తారు అంటూ ప్రశ్నించగా.. నా తల్లిదండ్రులు నన్ను మోని లేదా మోవా అని పిలుస్తారు అంటూ రష్మిక మందన్నా పేర్కొంది. మోని అంటే కొడవ భాషలో కుమార్తె అని అర్థం. తల్లిదండ్రులతో చాలా స్నేహంగా ఉంటాను అన్నట్లుగా మరో ప్రశ్నకు రష్మిక మందన్నా సమాధానం ఇచ్చింది.

ఇక ఈ అమ్మడు భారీ పారితోషికం డిమాండ్‌ చేస్తున్న నేపథ్యంలో ఒకటి రెండు చిత్రాలు చేజారి పోయినట్లుగా ప్రచారం జరుగుతోంది. ఇక ఈమె హిందీలో నటించిన సినిమాలు బాక్సాఫీస్ వద్ద నిరాశ పర్చాయి. కనుక పుష్ప 2.. వారసుడు మరియు యానిమల్ సినిమాలపై ఆశలు పెట్టుకుని ఉంది. మరి ఈ సినిమాలు రష్మిక కెరీర్‌ ను ఏం చేస్తాయో చూడాలి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.